Diyarname
Hevserokê HDP'ê Mithat Sancar li navenda Partiya xwe ligel Navenda Kordînasyona Qeyranê ya jibo Erdhejê ya HDP'ê bi awayekî lezgîn civiya. Sancar li vir axivî û bal kişand ser erdheja li Rojava jî û got, "Deriyê sînor ê Murşîtpinarê ku li Kobanî vedibe divê ji bo alîkariya însanî bê vekirin."
6'ê mehê navend Mereş, bi giştî li 10 bajaran erdhej çêbû. Erdehê bandor li bajarên Sûriyeyê û bajarên di bin destê Rêveberiya Xweser û bajarên di bin destê hêzen tundirav de jî kir.
Piştî erdhejê HDP bi hemû baskên xwe ket nava tevgerê. Ji bo vê yekê Navenda Kordînasyonê jî ava kir. Ev navend her cure alÎkariya ji bo bajaran organîze dike. Îro nirxandina rewşa dawî û ji bo plankirina dema bê di bin Hevserokê HDP'ê Mithat Sancar de endamên kordînasyonê li hev civiyan. Sancar ji bo çapemenî axivî. Va ne hin gotinên Sancar: - Em êşeke ew qas mezin ku em nikarin vebêjin dijîn. Em di demeke wisa de ne gotin di qirika me de dieliqin. - Ev ne wisa pêvajoyeke ku desthilatdarî nikare bi gotinên "qeder", "felaketa sedsalê" berpirsiyarî û bêkêriya xwe veşêre. - Tiştê ku ev erdhej bûye sedem ku bibe felaketa însanî û civakî polîtîkayên desthilatdarî bi xwe ne. Di dema xwe de alîkarî û xebatên rizgarkirinê neçûne. Bêserûberiya rêveberan, bêdordînasyonbûna wan bûye sedema felaketê. - Li vê zivistanê mirov li kuçeyan bê tenê hatine hiştin, kon, sobe, betanî, pêdiviyên sereke bi têra xwe negihandine wan. Di belavkirina alîkariyan de jî tevlihevî çêbûye. - Li holê hilweşandineke mezin heye, tekane tiştê hilneweşiya ye: Mirovahî ye. Saziyên sivîl, bi mîlyonan dilxwaz, yek bi yek kes, rewşenbîr, hunermend, sendîkakar, karsaz, partiyên siyasî, rêvberiyên herêmî ketine nava seferberiyê. Bi hevkarî û piştgiriya bi vî rengî emê birînên xwe bipêçin, êşên xwe kêm bikin. - Ligel hemû xirabiyên desthilatdariyê jî ev piştgirî li her derê xwe nîşan dide. Mirovên me başiyê organîze dikin. - Em wekî HDP di cih de me navenda kordînasyonê ya qeyranê ava kir. Me navendên xwe yên kordînasyona hilbijartinê veguhartin kordînasyona erdhejê. - Heta niha 60 hezar serîlêdan ji bo kardînasyona me hatine kirin. - Di erdhejê de ajahiyên riziyayî bi ser mirovan de hilneweşiyan, pergala riziyayî û xirabûyî bi ser mirovên me de hilweşiya. Desthilatdariya AKP û MHP'ê ku ji belî şer, talan û rantê tiştek nizane bi ser mirovan de hilweşiya. Derfetên dewletê û saziyên dewletê di demeke wisa de ji bo mirovan neyên bikar anîn dê kengê bêne bikaranîn. - Tiştên ku min û hevseroka me Pervun Buldan li Samandagê û li bajarên derdorê dîtin ji ev tiştên min gotin wêdetir bûn. - Hemû sînorên di destê Rêveberiya Xweser de ku li Tirkiyeyê vedibin girtî ne. Neteweyên Yekbûyî (NY) bi erdhejê re ragihand ku 5 mîlyon sûriyeyî bê mal mane. NY'yê xwest astengiyên li pêşiya alîkariya navneteweyî bêne rakirin. Divê di cih de deriyên sînor bêne vekirin. Deriyê Murşîtpinar ê Kobanî divê ji bo alîkariyên însanî bêne vekirin. - KCK'ê bang li hêzên xwe kir ku pevçûnan bide rawestandin. Biryareke bi vî rengî ku dikare rê li ber rawestandina pevçûnan veke girîng e. Ev yek dê rêyên nû veke. Em carek din banga diyalog û muzakereyan dikin û em dibêjin divê dewlet dawî li polîtîkayên ewlakarî û şer berde. Ev yek ji bo dema pêşiya me dê bibe gavek girîng. - Sibê ez û serok Pervin emê li Meletî û Semsûrê bin. Roja din emê li Amedê bin û ligel Navenda Qeyranê bicivin. Emê rewşê binirxînin.. Nûçeyên Eleqedar:
- Li gundên Meletiyê îdîaya bi torpîlê konan belav dikin
- Rewşa gundên Bazarcixê: Kevir li ser kevir nemaye
- Cenazeyê stranbêj Zîlan Tîgrîs hat derxistin
- Angelina Jolie: Zerey mi şimadir o
- Diyarbekir Spor ji lîgê vekişiya
- Li Elbîstan û Nûrheqê welatî hêj di bin enkazê de ne
- Erdhejê bandor li avahiyên dîrokî yên kurdan jî kirin
- 11'ê mehê agahiyên li ser erdhejê... (tê nûkirin)
- Welat Dilken qala rewşa dawî ya Semsûrê dike
- Ji qada sporê nûçeyên li ser erdhejê
- DÎSÎAD: Ji bo Rojava bila derîyê sînor ê Nisêbînê vebe
- Platforma Tenduristiyê ya Amedê: Daxwaza me ya beşdariya maseya tenduristiyê hat redkirin
- Agahiyên 10'ê mehê... Hemû îstatîstîk...
- Pêşkêşvan Dilara Gonder îstîfa kir
- Lîsteya rojnamegerên di erdhejê de mirine
- Ji Semsûra ku ji bilî dengê sîrenan dewlet lê nîne banga piştevaniyê
- Ulkucuyan pere û zêrîn mexdûra erdhejê jê girtin û ew tehdîd kirin
- Agahiyên li ser Rojava (Mijara Erdhejê)
- Hikumeta Herêma Kurdistanê kampanya da dest pê kirin
- Kampanyaya 'Bîr Kîra, Bîr Yuva'
- Kazim Polat: Ji berfê em avê çêdikin
- 8'ê mehê, Nûçeyên li ser îro
- Karsaz Hamdi Ulukaya dê 2 mîlyon dolarî alîkarî bike
- Baroya Amedê kampanyaya komkirina pereyan da dest pê kirin
- HDP li Marmara û Egeyê ji bo erdhejzadeyan ketiye nava tevgerê
- Li 10 bajaran Rewşa Awarte hat ragihandin
- 07.02.2023, agahiyên li ser vê rojê
- Sekteretê Giştî yê NY'ê Guterres ji bo alîkariyê bang kir
- Erdeheja duyemîn, agahiyên nû (Tê nûkirin)
- Welat Dilken: Semsûr kavil bûye
- Nifûsa bajarên erdhej lê da ye
- Bajar bi bajar agahiyên li ser erdhejê