Diyarname
‘Deftera Mezin’ romana nivîskar Agota Kristof e ku ev roman wê di nav pirtûkên wê de ya herî naskirî ye Roman niha ji aliyê Ergin Opengin ve hat wergerandin û ji Weşanên Pall derket.
Nivîskara macarî-swîsreyî Agota Kristof di navbera salên 1935-2011’an de jiya ye. Ew li Macaristanê tê dinê. Sala 1956'an yên dijberî komunîzmê dijî rejimê serî hildidin, Artêşa Rus wan têk dibe. Mêrê Kristofê ku ew jî di nav siyasetê de bû, dest jê vedikişe, ew malbatkî ku zarokek wan çar mehî ye ji Macaristanê direvin diçin Swîsreyê.
Kristof gelek zehmetî dikişine. Li Swîsreyê hem dixebite, hem di warên cuda de nivîsan dinivîse. Lîstikên şanoyê, helbest, roman, bîranînan dinivîse. Ji bîranînên wê hin jê nivîskarê Diyarnameyê Yeqîn H. wergerandin û di quncikê xwe de belav kirin.
"Deftera Mezin" ku niha hatiye wergerandin jî ji sêbareya wê ya bi navê "Sêbareya Cêwîyan" pirtûka yekem e û di sala 1986'an de hatiye weşandin. Pirtûk navdar dibe. Ew dûre ji sêbareyê "Delîl" (1988) û "Derewa Sêyem" (1991) dinivîse.
Ev romana Kristofê ji fransî bo kurdî wergerandiye. Roman li Ewropayê xelat girtiye û heta niha ji bo li dor çil zimanan hatiye wergerandin.
Di romanê de du zarokên cêwî, ji ber şerê li bajarê wan, ji dayik û bavên xwe cuda dibin û li bajarekî biçûk ê ser hidûd li cem dapîra xwe dimînin. Li aliyekî dapîra çikûs û dilreq, li aliyekî jî şertên şer jiyanê li wan zehmet dikin. Ji bo serederîkirinê, du bira dê mil bidin hev û di temenê xwe yê zarok de dil û giyanê xwe perwerde bikin û bi naîviyeke heqîqî li dijî her xetereke ji derve tê ser wan rawestin.
Deftena Mezin / Agota Kristof/ Werger Engin Opengin / Pall / Roman / 2026 / 160 rûpel
******************************