DiyarName.Com

19.00

Cenaze ji Bakur şandin Rojava

Hevserokê Desteya Tenduristiyê ya Bakur û Rojhilatê Sûriyeyê Dr. Ciwan Mistefa ji bo malpera fermî ya Rêveberiya Xweser axivî. Mistefa ragihand ku wan cenazeyên 5 qurbaniyên erdhejê yên li Bakur û Tirkiyeyê canê xwe ji dest dane, ji deriyê Ewn Dadat wergirtine.

Navên qurbaniyan wiha ne: Ferîde Orfelî (27), Evîn Şêxo (32), Mistefa Hemê (4) ji Kobanê ne, Nedîm Yûsif (42) ji Reqayê û Rîm El Hac (45) ji Hemayê ne.

Rêveberiya Xweser heta niha cenazeyên 73 qurbaniyên erdhejê ku li Bakur û Tirkiyeyê miribûn ji deriyên sînorî wergirtine.

17.00

Kesên roja 8'an ji bin erdhejê zindî hatin derxistin

Îro 13'yê mehê roja 8'an a erdhejê ye. Hê jî mucîze çêdibin û bi saxî gelek kes ji bin erdhejê têne derxistin. Va ne yên ku îro bi saxî hatine derxistin:

SEMSÛR:

- Li Semsûrê zarokek bi navê Hivay Uşer (6 salî) hat derxistin.

- Li Semsûrê zarokek 6 salî bi navê Mîray ji bin Avahiya Bozbey hat derxistin.

- Li SemSûre Bunyamin îdaci ji Avahiya Kiliç hat derxistin. Ew 35 salî ye.

HATAY

- Li Antakyaya Hatayê kurekik bi navê Kaan Kuruoglu ê 12 salî hat derxistin.

- Li Ankatyaya HAtay jinek 70 salî bi navê Nûray Gurbuz hat derxistin.

- Li Hatay Derya Akdogan a 26 salî bi birîndarî hat derxistin.

- Li Antakyayê Serap Donmek hat derxistin.

- Li Navenda Hatay Naide Umay hat derxistin.

ENTAB

- Li Entabê Sibel Kaya a 40 salî hat derxistin.

MEREŞ

- Li Mereşê jinek bi navê Hatice Akan li Taxa Hayrullan ji ber avahiya Altinkoşk hat derxistin. Akan 39 salî ye.

16.00

NATO: Em piştgirî didin Tirkiyeyê

Sekreterê Giştî yê NATO'yê Jens Stoltenberg li Brukselê di Civîna Wezîrên Parastinê ya NATO'yê de axivî. Stoltenberg li ser erdhejê sekinî û got "Em bi awayekî xurt li pişta mutefîkê xwe Tirkiyeyê ne."

Civîna Wezîrên Parastinê ya NATO'yê 14-15'yê mehê li Brukselê li dar dikeve, Stoltenberg ji bo vê yekê hat vê derê.

14.30

'Min nebin nexweşxaneya taybet, pereyên min tune ne'

Jineke bi navê Emine Dogu li Hatayê piştî 138 rojan îro ji ben erdhejê bi awayekî zindî hat derxistin. Jina 51 salî ji bo kesên ew derxistine re got, "Ez qurban, min nebin nexweşxaneya taybet, pereyên min tune ne."

Emine Dogu bi ambulansê birin nexweşxaneyê û li wir dest bi dermankirina wê kirin.

14.00

Li Amedê Yûrdên KYK'yan bi zorê vala dikin

Midûrê Yûrda KYK'yan a Halid Bin Velid a li Amedê ji xwendekaran re gotiye ji yûrdê derkevin. Li hemberî xwendekarên ku gotine "cihek ku em herin nîn e, em herin ku" jî gotiye, "Em mesûliyeta tiştên we nagirin ser xwe. Tiştên hûn bihêlin hebin emê bixin naylonan û bavêjin embarê."

Hikumeta Tirkiyeyê bêyî rêyek bide ber xwendekaran yûrdên ku xwendekar têde val dike, wan ji wir derdixe. Xwendekar bêçare ne. Gelek xwendekaran ji mecbûrî çend tşitên xwe dane hev û derketine.

13.00

Li Amedê dê 60 avahî mohrkirin

Erdheja dawî li Amedê bû sedema hilweşandina 8 avahiyan û li aliyê din gelek avahiyên din jê zirar dîtin. Heta niha li Taxa Huzurevlerî 8 avahî ku derzên mezin li wan ketibû hatine mohrkirin. Hat gotin ku dor 50-60 avahiyên din hene ku gelek derb xwarine ku dê mohr li wan jî bidin. Komên zabiteyan ji gel xwestiye ku dest nedin mohran û nekevin ev avahiyên bi talûke.

12.00

31 hezar û 643 kes

Li erdheja ku navend Mereş bû her ku diçe hejmara kesên canê xwe ji dest dane zêdetir dibe. Li gor agahiyên fermî ku AFAD'ê eşkere kirin heta niha 31 hezar û 643 kes mirine.
11.10

Texmîna zirarê madî ku ji erdhejê derketiye

Keda 10 bajarên ku erdhej lê çêbû ya ji bo butçeya giştî ya sala 2022'yan 128 mîlylar û 133 mîlyon TL bû. Yanê van bajar ew qas pere xistine nava butçeya giştî ya Tirkiyeyê. Li aliyê sedî sedî 9'ê îhracatê (malên ku ji bo derveyî Tirkiyeyê tê firotin) Tirkiyeyê ji van 10 bajaran çêbûye. Û niha erdhej çêbû û texmîna zirarê madî tê kirin: 100 mîlyar dolar.

11.00
TTB: Li herêmê nexweşiyan dest pê kir

Seroka Konseya TTB'ê (Yekîtiya Tabîbên Tirk) Şebnem Korur Fincanci û endamên Konseya TTB(ê ji bo nirxandina rewşa herêmê civîneke online saz kirin. Endamê Konseya TTB'ê yê Hatayê Onur Naci wisa got, "Li vir pirsgirêkên cihê mayînê, xwegermkirin, tiwalet, çopê didomin. Gav nayên avêtin. Li derve çawa dixuye ez nizanim lê xebat nîn e. Dibêjin bajarên ji konan hatine vekirin tê têrê nakin."

TTB'ê gotiye ku ji herêmê nexweşî belav dibe. Nexweşiyên emelê (vijikê) dest pê kirine. Pirsgirêkên tenduristiyê, ji aliyê paqijî ve didomin.
10.30

Almanya ji bo erdhejzadeyan vîze hêsan dike

Wezîra Karên Derve ya Almanya Annalena Baerbock got ku ji bo hemwelatiyên Almanyayê xizmên xwe yên bandor ji erdhejê dîtine girtine bînin Almanyayê dê dayîna vîzeyê hêsantir bike. Bookê got ku ew li ser vê yekê dixebitin ku armanc ew e ji bo wan prosedurên vîzeyê ji bo demkî hêsantir bikin.

10.00

Konek jî ji we

HDP'ê bi navê "Konek jî ji we" kampanyayek da dest pê kirin. Di vê kampanyayê de wisa hatiye gotin, "Ji Ewropa û her derê dinyayê banga me ji bo kesên dixwazin alîkarî bikin e."

Nimreyên Navenda Kordînasyonê ya Qeyranê ya HDP'ê bi vî rengî ne:

0553 096 0706

0552 032 5649

Nûçeyên Li Ser Erdhejê:

- Bo Zîlanê (Dîlan Kuçuker)

- Rewşa gundên Bazarcixê: Kevir li ser kevir nemaye

- Cenazeyê stranbêj Zîlan Tîgrîs hat derxistin

- 12'yê mehê, nûçeyên rojane

- Angelina Jolie: Zerey mi şimadir o

- Diyarbekir Spor ji lîgê vekişiya

- Li Elbîstan û Nûrheqê welatî hêj di bin enkazê de ne

- Erdhejê bandor li avahiyên dîrokî yên kurdan jî kirin