Diyarname
Nivîskarê me Kazim Polat li gundê Kistikan a Elbistanê ye. Em dizanin wekî tenduristî baş e, lê em nikarin xwe bigihînin, telefon nakişînin. Îro peyamek din şandiye.
Li gundên Elbistanê li hemûyan rewş bi vî rengî ye. Ji bo fêmkirina meseleyê em bêyî dest bidin peyamê, em belav dikin:
"Nizanim ev peyama min digihîje ber destê te.
Ez baş im. Doh bi şev ceyran hat gund. Ji ber berfê rê girtî ne. Bi qasî nîv metro zêdetir berf heye. Li gund zirarek ji xaniyên hilweşiyan bêtir nîn e. Xaniyê min kevîn bû. Îşêv em li mal man.
Erd hê jî dihêjê... Aha niha jî hêjîya. Tu dibêje ez di kêştiyekê de me û kêştî ketiyê ber bahozek... Carek vî alî carek wî alî de... Telefon çêbû lê înternetê nikarim têkevim.
Bi pêyamê min xwest bicerîbînim, niha dikarim pêyamê bişînim...
Me bihîst cenazeyên hin kêsên ji gund ji bajêr dê bînin gund defin bikin. Belkî rê jî vedikin... Av nîn e. Ji berfê emê avê çêdikin."
'Elbistan bi temamî hilweşiya'
Li aliyê din kesek bi navê Elîf Bozkurt ji Elbistanê li Ajansa Mezopotamyayê geriya ye û gotiye, "Navenda navçeyê bi temamî hilweşiya ye. Xizmên me li bin xirbeyan de ne. Ligel ku em geriyane jî makenîyên alîkariyê û kesên alîkariyê dereng hatin, hê kes bi zindî ji bir kavilan nehatiye derxistin."
Mala Bozkurt li Taxa Saraykentê ye û gotiye, "Ligel taşa me taxên Yunus Emre, Kumbel, Cumhuriyet û navenda sûkê hilweşiya ye. Ji ber ev tax nêzî hev in min karî lê bigerim û binêrim. Ji roja yekem de em li bexçeyê Cemxaneyê, li bexçeyên dibistan û li kuçeyan em agir pêdixin û disekinin. Heta niha tu alîkarî negihîştiye me."
***
Nota berî vê a Kazim Polat:
***
Nûçeyên eleqedar:
- 8'ê mehê, Nûçeyên il ser îro
- Karsaz Hamdi Ulukaya dê 2 mîlyon dolarî alîkarî bike
- Baroya Amedê kampanyaya komkirina pereyan da dest pê kirin
- HDP li Marmara û Egeyê ji bo erdhejzadeyan ketiye nava tevgerê
- Li 10 bajaran Rewşa Awarte hat ragihandin
- 07.02.2023, agahiyên li ser vê rojê
- Sekteretê Giştî yê NY'ê Guterres ji bo alîkariyê bang kir
- Erdeheja duyemîn, agahiyên nû (Tê nûkirin)
- Welat Dilken: Semsûr kavil bûye