Diyarname
Di maça çarîk fînalê ya Kûpaya Cîhanê de îşev maça pêşî di navbera Îngilistan û Norwecê de bû. Di maça li Stada Miamî de her duyan heta ji wan hat ber xwe dan.

Di 15 deqeyên pêşî de maç ne xweş bû, wekî ku her duyan dixwestin hev bipîvin dimeşiya. Bikaranîna kornerê ji bo Îngilistanê encax vê deqeyê de çêbû. Ataka herî bi bandor a îngilîzan di deqîqeya 22'yan de hat û 27'ê de jî ji lêdana serbest Kane dixwest kelehê fetih bike, lê nebû. 

Norwec piştî deqîqeya 30'î hat ser xwe. Norwecê ku heta vê kêliyê di parastinê de bû, ji vê kêliyê wêdetir însiyatîf girt û êrîş bi ser êrîşê de bir. Vê yekê gol anî. Di deqîqeya 36'an de Schjelderupê çeprastê kelehê re ket nava xêzê bi hundirê lingê xwe gog şand qorziyê dûr: 1-0.

Di deqîqeya 45+2 de Îngilistanê bi gola Jude Bellingahmê bersiv da: 1-1. Di kêliya dawî de Kane golek avêt lê ji ber ofside gol betal bû û nîveka yekem bi 1-1'ê bi dawî bû.
Nîveka duyemîn dîsa bi heyecan dest pê kir; Norwecê di deqîqeya 50-55'an de 4 caran ser hev de korner bikar anî; gol jî avêt, lê ji ber ku berî lêdanê Haalandî faul kiribû gola Norwecê hat betalkirin.

- 90 deqe bi 1-1'ê bi dawî bû û maç derbasî dora 30 deqeyên Zêdek bû.

- Dq 93;, Morgan Rogers ji derveyî pêş sehayê şût avêt, gog ji qeleparêz vegeriya û Jude Bellingham temam kir: Îngilistan bi 2-1 derket pêş.

- Dq 99: Lîstikvanê îngilistan bi israr ket nava pêş kelehê û li erdê ket; Îngilistanê penaltî bi dest xist. VAR'ê pozîsyon nirxand û gazî hakêm kir. Hakêmê fransiz çû VAR'ê, temaşe kir û piştî vegerê penaltî betal kir.

- Dq 106, Haaland ji maçê derket, Jorgen Strand Larsen ket maçê. Û nîveka duyemîn a zêdek dest pê kir.

- Û deqe 120: Hakêmê fransiz li firfirokê da û got maç heta vir e. Bi vê yekê Îngilistan derbasî nîv fînalê bû. 

Destê sibê di maça din a rojê de Arjantîn û Swîsre dê bên hemberî hev. Tîma bi ser bikeve wê bibe reqîbê Îngilistanê.

 

 

***

Rûpela Taybet a Kûpaya Cîhanê:
- KÛPAYA CÎHANÊ 2026

***

Ji bo temamê maçên rojê:
- Roj bi roj maçên Kûpaya Cîhanê (temamê lîsteyê)

***

 

DIBE EV NÛÇE-NIVÎS BALA WE BIKIŞÎNIN:

 - Norwecê bi bêran li devê brezîliyan da!

- Paraguayê panzêr pelixandin û got: Cihê we li vir tune ye!

- 49 mîlyon kesî nikarîn bi 438 hezar kesî!

- Maçên koman temam bûn; Va ne yên serketî, yên xeyalşikên, notên giştî

- Diyarnameyê ji Grokê pirsî, wê di Kûpaya Cîhanê kîjan welat bi ser bikeve?
 Ji Messi dîrokeke nû: Di Kûpaya Cîhanê de kesê herî zêde gol avêtin

- Jê bawer nekin lê dîsa jî vê nûçeyê bixwînin

**

- Şerma Gijonê

- Gelo di futbolê de edalet heye?

- Swîsreya bê marş, çar ziman û golên wê yên li Kûpaya Cîhanê

- Mêrxas Doskî yê kurd û sê golavêjên din

- Goga Lingan û Serê Hz. Huseyîn

- Şeva lîstikvanê kurd Denîz Undav a di Kûpaya Cîhanê de

- Ji bo cîhanê goga lingan, ji bo kurdan gef û gur û fişarên tirkan