DiyarName.Com

Diyarname

Saziya Ragihandin û Çapemeniyê ya Iraqê ji Wezareta Parastinê ya Iraqê xwest ku kanalên kurdî "Rûdaw" û "Kurdistan 24" bêne girtin û dest deynin ser hemû amûrên wan.

Saziyê name ji "Serfermandariya Operasyonên Hevbeş" a girêdayî Wezareta Parastinê re şand û got her du kanal ji me bêyî destûra weşanê bigirin provakasyonan dikin, bi weşanên xwe aştî û ewlehiya civakê ji xwe re dikin hedef. Ji bo vê yekê jî xwestiye her du kanal bêne girtin û amûrên wan bêne desteserkirin.

Berî vê "Serfermandariya Operasyonên Hevbeş" ji Saziya Ragihandin û Çapemenî re name şandibû û têde diyar kiribû ku di dema ew bi operasyonê li herêmên bi nakok dixwazin qontrolê bigirin bin destên xwe ev kanal weşanên dij vê dikin û xwestibû ev weşan bêne girtin.

Her du kanalên kurdî ji aliyê hin çapemeniyên kurdan ve jî weşana wan hatibû rexnekirin lê ne tiştek xweş e hikumeta serdestê welatek kurdan daxwaza girtina kanalên kurdî bike. Hikumeta Iraqê ku niha bi hêza leşkerî li Iraqê û li herêmên kurdan ên li gor zagona bingehîn a Iraqê bi nakok in însiyatîf girtiye dest, ji ber vê yekê jî pêşi xwest referandûma serxwebûnê ya ku Hikumeta Herêma Kurdistana Federal çêkiribû bê betalkirin, niha jî dixwaze kanalên kurdî bêne girtin. Wisa dixuye Hikumeta Iraqê dê her bixwaze ji Hikumeta Herêma Kurdistana Federal tawîzan bixwaze û bi dest bixe.

Nûçeyên Eleqedar:

- PDK û YNK li hev civiyan

- Encamên referandûmê hatin betalkirin

- Hilbijartinên Herêma Kurdistanê hatin paşxistin

- Hilbijartinên parlemenê û Serokatiya Herêmê hatin taloqkirin

- Bedran Dere: Kurdistan wê çima nebe Almanya?

- Cemil Oguz: Pêdiviya Başûr bi Salih Muslim heye

- Hîwa Khoshnaw: Piştî referandûmê hin gotin

- Başûr: Em bê şert ji diyalogê re amadene lê, dest ji referandûmê bernadin

- Goranê biryara avakirina Hikumeta Rizgarî ya Niştîmanî erê kir

- Notên ji axaftina Bafel Talabînî

- Cockburn: PDK û YNK'ê berî operasyonê li hev kirin ku vekişin