NAVENDA NÛÇEYAN 

Berpirsê Ajansa Parastin û Zanyariyên Herêma Kurdistanê Lahor Şêx Cengî der barê rewşa îro ya bajarê Kerkûkê de ji qenala Kurdistan News re axivî û got: “Em bi şer û parastina Kerkûkê ve mijûl bûn. Belê hinek qanalên nûçeyan derewan belav dikin. Dibêjin paşkêşî hatiye kirin. Ew hêzên hevbeş bûn. YNK û PDK bi hev re bûn. Hêzên hevbeş ên Wezareta Pêşmergeyan têde bûn. Ez jî hêzên 70’ê ne berpirsim. Mesûd Barzanî bi xwe serpereştiya hêzên çekdarî dikir. Hemû liv û tevgera hêzên pêşmerge bi fermana Mesûd Barzanî ye.”

‘Kerkûk berdêla vê referandûma seqet dide’

Lahor Şêx Cengî wiha jî dewam kir; “Kerkûk berdêla vê referandûma seqet dide. Tu bingehekî referandûmê nebû. Ev referandûm ne ji bo serbixweyî ye. Tenê ji bo Kerkûkê ji destê YNK’ê derbixin bû. Niha PDK’ê 31’ê Tebaxek din bi ser Kerkûkê de anî.”

‘Divê Mesûd Barzanî dest ji kar berde’

Lahor Şêx Cengî got ku divê niha Mesûd Barzanî dest ji kar berde û wiha got; “Mesûd Barzanî bi xwe garantî dabû ku hemû cîhan pişt referandûmê ye. Belê tu welatekî piştgirî nekir. Pêwîst bû Mesûd Barzanî bi xwe li Kerkûk ba û bikarîba rûmeta Kerkûkiyan bi parastiba.”

31'ê Tebaxê de çi bûbû?

Di 31’ê Tebaxa 1996’an de PDK’ê tangên rejîma wê demê ya Iraqê Baasê anîn û bajarê Hewlêrê ji destê YNK’ê derxist.
Ji Rojnewsê hatiye girtin

**

Nûçeya eleqedar:

- Kerkûk ket destê Heşdî Şebî