Diyarname

Rojnameya Bugunê îro di manşeta xwe de nûçeyeke gelke balkêş weşand: Amûrên şer ji Akçakaleyê re ji bo DAIŞ'ê hatin şandin.

Rojnameya Bugunê manşeta "Şok Fotograflar" (Wêneyên Balkêş) nivîsand û nîvî zêdetir rûpela xwe ya yekemîn ji bo vê nûçeyê veqetand. Li gor rojnameyê ji Deriyê Gumrikê yê Akçakaleyê amûrên ku di çêkirina çekan de têne bikaranîn ji bo DAIŞ'ê hatin şandin. Rojname dibêje ku du mehan di bin çavdêriya midûr û peywirdarên gumrikê de ev sewqkirin çêbû û rojnameyê pêre jî wêneyên ku di gumrikê de hatine kişandin weşandin.

Rojnameyê ev agahî weşandin: "Tirkiye û DYA li hemberî DAIŞ'ê operasyona hewayî li dar dişe, derket holê ku ji Deriyê Gumrikê yê Akçakaleyê bi TIR'an amûrên ku di çêkirina çekan de têne bikaranîn ji bo DAIŞ'ê hatin şandin. Tê îdîakirin ku Midûrê Gumdirê C û Memûrê Raçavkirinê Ö., peywirdar M.S., Wekîlê Serekê Qaçaxçîtiyê yê Herêmê F.K., Wekîlê Serekê Qaçaxçîtiyê G.S. ji bo bûyerê çavên xwe girtine."

Rojname dibêje varîlên ku tije amûrên teqemenî bûn hatin şandin û van lê zêde dike: "Ji deriyê gumrikê de 2 mehan her roj bi qasî 2 TIR'an gubreyê sunî ku di çêkirina teqemenî de tê bikaranîn, TIR'ek lewheyê metal ku çêkirina erebeyên bizirx de têne bikaranîn, qamyolen amûrên elekrîkê û kablo şandin herêma bi ewle ya DAIŞ'ê ya li Sûriyê. Her wiha her roj qamyonek borî, varîlên tije amûrên teqemenî û gelek koliyên gunye hatin şandin."

Rojname dibêje ew lewheyên metal ku hatine şandin di Çêkirina tangan û topên hawanê de hatine bikaranîn, her wiha ji bo çekên giran jî wekî parêzgeh hatine bikaranîn.

Rojnameya Bugunê radigihîne ku ew borî jî di çêkirina kopên hawanê de hatine bikaranîn.

Yek ji xala balkêş jî ew e ku îro rojnameya Bugunê ev nûçe weşand ku ev rojname nêzî Cemaeta Gulen e, heman rojê, yanê îro polîsên dewleta Tirkiyeyê bi ser Holdinda Îpek Koza* de girtin ku ev rojname, ligel vê rojnameya Millet û KanalTurk di bin banê vê holdîngê de cih digirin.

*Nûçeya eleqedar:

- Polîsan bi ser Koza Îpek Holding de girt