Diyarname
Nûçegîhanê jîr ê rojnameya Independent ê Rojhilata Navîn Patrick Cockburd roja 18'ê mehê nivîsek nivîsî. Di nivîsa xwe de îdîa kir ku PDK û YNK'ê berî operasyonê li hev kirine ku bi paş ve vekişin.

Cockburn li hemberî hêzên Iraqê û Heşdî Şebî vekişîn wekî "Yek ji felaketên mezin ê ji dîroka kurdan" bi nav kir. Wî wisa got: "Kurd ji ber ku ji cihên bi nakok ên di navbera wan û Iraqê de vekişiyan, di sê rojên dawî de ji sedî 40 axa xwe ji dest dan."
Vane hin notên ji nivîsa Cockburn:

Li hev civiyan
- Du partiyên sereke yên kurrdan PDK û YNK roja yekşemê li hev civiyan, li hev kirin ku ji bilî vekişînê tu çareya wan nîn e.

Rêberên kurdan hev sûcdar dikin
- Wan dizanî li hemberî hêzên Iraqê yên bi pêş ve diçin ew lawaz in û mutefîkek wan ê alîkarî jê bixwazin nîn bû. Rêberên kurdan niha li ser vê fiyaskoyê hev sûcdar dikin. Ev dê wekî felaketeke mezin a li nav dîroka kurdan bê nivîsîn.

Bîrên Kerkûkê
- Pêşmerge ji du cihên petrolê yên li nêzî bajarê Kerkûkê jî vekişiyan. Bi vî awayî axa ku kurdan bi ketina DYA'yê ya sala 2003'yan de û têkçûna Sedam re wê demê heta niha bi dest xistibû hemû ji dest da. Bawerî ew bû ku petrola Kerkûkê di destê kurdan de ba ji bo serxwebûna aborî ji bo kurdan girîng bûn.

Barzanî qubxwestinek dê bi ser neketa xwest
Serokê Rêveberiya Herêma Kurdistanê Mesûd Barzanî ket nav têkoşîneke ku dê bi ser neketa. Dê gelek kurd bifikirin ku îraniyan û Mihafizên Şoreşê yên Îranê bandor li hikumeta Bexdayê kirine û partiyên kurdan jî ev encam derxistiye holê. Îran dê dilxweş be ku hikumeta Iraqê xurt bibe û Mesûd Barzanî jî lawaz bibe. Lê ne hewceyî teoriyên komployî ne. Di rastiya xwe de ev yek çêbû: Barzanî ket nav qutxwestinek dê nikaribe têde bi ser bikeve."

- Dibe ku Bexda niha zorê bide ser sê bajarên kurd ku wekî bêparastin mane dixuyin. Serokomarê Iraqê Fûad Masûm niha dike di navbera hikumeta navendî û ya kurdan de diyalogê çêke. Lê Abadî got ku referandûm çû û êdî xilas bû. Niha şik nîn e ku hevkêşeya hêzê ber bi Bexdayê ve xurt bûye û ji Erbîlê dûr e.
 

Rojnameyak Independet li Îngilistanê weşanê dike û yek ji rojnameyên qed û qîmeta wê tê girtin e. Cockburn jî li ser Rojhilata Navîn pispor e.

**

**

Nûçeyên Eleqedar:

- Hewlêr: Em amadene vegerin Bexdayê 

- Hilbijartinên parlemenê û Serokatiya Herêmê hatin taloqkirin 

- Fermandarê Pêşmerge: Biryara paşde vekişandinê rast bû 

- Lahor Şêx Cengî: PDK’ê 31’ê Tebaxek din anî serê Kerkûkê 

- Kerkûk ket destê Heşdî Şebî