Diyarname
Parlemena Herêma Kurdistanê îro ji bo referandûm li dar bikeve yan na li hev civiya û parlemenê biryar girt ku referandûm di dema xwe de li dar bikeve.
Vane notên li ser civîna îro:
- PDK, YNK û Yekgirtûyê li hev kiribû û li ser vê yekê îro civîn li dar ket.
- Mijara ku îro parlemenê dê li ser nîqaş bikira referandûm li dar bikeve yan na bû.
- Serokê Parlemenê ne li parlemenê bû ji ber ku ew ji Goranê ye û nahêlin bikeve Hewlêrê. Civîn bi rêvebirina Cîgirê Serokê Parlamenê Cefer Îbrahîm Êminkî li dar ket.
- Di civînê de Sekreterê Parlamentoyê Fexredîn Qadî jî nîn bû û ji YNK'ê Bêgerd Talabanî wekî sekreterê demkî hat hilbijartin.
- Ji 111 mebûsên parlemenê tenê 60 beşdarî civînê bûn.
- Koma Tevgera Goran, Komeleya Îslamiya Kurdistanê, Tevgera Îslamiya Kurdistanê, Eniya Tirkmen, Aşûrî û Beyt Nehrîn tevlî rûniştina parlamentoyê nebûn.
- Ji YNK'ê jî 6 mebûs beşdarî civînê nebûn.
- Di dengdanê de biryar hat girtin ku referandûm di dema xwe, yanê roja 25'ê mehê li dar bikeve.

Goran: Lidarxistina rûniştina parlamentoyê dewama darbeyê ye
Her wiha Goran ku beşdarî civînê nebû li nav avahiya Parlamentoya Herêma Kurdistanê îşev daxuyaniyek çapemeniyê. Serokê Koma Tevgera Goran Biroz Mecîd axivî û got: “Bi vê rêbazê vekirina parlamentoyê dûrê yasaya parlamentoyê ye. Ew hizbên ku tevlî rûniştina parlamentoyê bûne jî, darbeya PDK’ê hin dirêjtir kirin. PDK’ê nexwest rola parlamentoyê hebe. Dibe ku di rojên pêşiya me de diyar jî bibe ku parlamento ji bo berjewendiyê hizba xwe vekiribe. Dibin zextên derve û navxweyî de rûniştina parlamentoyê pêk hat. Belê rûniştineke ji bo xizmeta encûmena neyasayiya bilind a referandûmê ye.”

**

Nûçeya Eleqedar:

- Gelo referandûm bi paş ve tê xistin?