DiyarName.Com

Diyarname
Di maça fînalê ya Kûpaya Cîhanê de Spanya û Arjantin hatin hemberî hev. 90 deqe û 15 deqeyên zêdek jî neguherî. Niha deqeyên zêdek ên duyem têne lîstin.

Maç li Stada New Jersey a New Yorka DYA'yê hat lîstin. Maçê ji Arjantînê bi lêdana Messi dest pê kir. Di nîveka yekem de her du aliyan bi pîvan dilîst. Her du aliyan jî nedixwest têk here, lê belkî firsendê bibine û golê biavêje. Loma jî nîveka yekem ne bi berhênan bû.
Di temamê 45 deqîqeyan de Spanyayê tenê 3 şût avêtin û yek jê bi îsabet bû; lê yê Arjantînê qet şêtên wê tune bûn.
Di 45 deqîqeyan de Spanyayê 2 korner bikar anîn, Spanyayê qet. Maç wisa bê kêf, bê gol, bê pozisyon bû.

90 Deqeyan de xwedî kûpayê diyar nebû

Arjantînê di 90 deqîqeyan de qet şût neavêt. Spanyayê 15 şût avêtin 9 jê bi îsabet. Spanyayê bi sedî 65 bi gogê dilîst. Spanyayê 618, Arjantîn3e 326 pas kirine. Û ya herî muhîm, di deqeyên zêdek, 90+7 de Spanyayê fîrîkîk bi dest xist, Yamal gog şand qelehê lê Martinez destur neda. Ji Arjantînê Enzo Fernandez di deqîqe 90+3 de ji qerta duyem a zer, qerta sor dît û tîma xwe 10 kes hişt.
Di 90 deqîqeyan de encam diyar nebû û niha dê 30 deqeyên zêdek bêne lîstin. Spanyaya ku di 90 deqeyan de serdest bû, niha bi 11 kesan li hemberî 10 kesan dê bilîze.

GOL HAT
Di deqe 106 de Nico Willims gog danî û Torres encam diyar kir: 1-0. Gola ku Spanya heta niha li bendê bû di vê deqeyê de hat.

MEZINÊ DINYAYÊ SPANYA YE

Tîmê heq dikir bi ser ket; Mezinê dinyayê Spanya ye
Spanyayê tîmên mezin têk biribû û hatibû heta fînalê. Di Dora 32'yan de Avusturya, Dora 16'an de Portekiz, çarîk fînalê de Belçika û di nîv fînalê de jî Fransa têk biribû û hatibû heta vê derê.
Di 90 deqe, dûre di 30 deqeyên zêdek de her Spanya serdest bû û vê serdestiyê kûpa bo wan anî.
Spanyaya ku di EURO 2024'an de kûpa bi dest xistibû û bûbû yekemînê Ewropayê, vê carê Kûpaya Cîhanê bi dest xist û bû mezinê dinyayê.

SERKETIYÊN TÛRNÛVAYÊ Û HIN NOT
- Ciwanê herî serketî ji Spanyayê Cubarsi hat hilbijartin.
- Qeleparêzê herî serketî ji Spanyayê Union Simon hat hilbijartina û Lepikê Zêrîn girt.
- Lîstikvanê herî serketî yê tûrnûvayê ji Spanyayê Rodrigo hat hilbijartin û xelata Goga Zêrîn girt.
- Li aliyê din di vê tûrnûvayê de ji Fransayê Mbappe bi 10 golan bû golavêjê tûrnûvayê. Dûre Messi bi 8 golan, Erling Haaland û Jude Bellingham bi 7 golan, Ousmane Dembele û Harry Kane bi 6 golan hatin.
- Kûpaya CîhaNê 6.142 kilogram e û ji vê 5.092 kîlogramê wê saf zêr e.
- Dîskê li jêr jê derdixin û dixin Muzeya FIFA'yê, ji bo yê serketî yê îsal dîskek din çêdikin.
- Kûpaya Orjînal li Zurihê tê parastin. Di her Kûpaya Cîanê de kupaya replîka ku hatiye çêkirin didin ê serketî.

***