DiyarName.Com

Diyarname
Di 23'emîn Kûpaya Cîhanê de ji bo maça sêyemînî Îngilistan û Fransa li Stada Miami hatin hemberî hev. Di 45 deqeyên pêşî de Îngilistanê tam 4 gol avêtin Fransayê.

Di Kûpaya Cîhanê de maça sêyemî ji bo prestîjê ye, yên dibin sêyemîn madalyayê digirin û her wiha ji aliyê girtina pereyan de jî girîng e.
Îngilistan piştî 1966'an ku kûpa girtibû heta niha qet nebûye sêyemîn jî. Dixwest vê qederê biguherîne. Her ku Fransa ye teknîk dîrektorê wan D. Deschamps piştî tûrnûvayê dest ji kar ber dide û dixwest bi vê nîşaneyê xatir bixwaze.
Nîveka yekemin bi kêrî Îngilistanê hat. Hê di deqîqeya 3'yan de Declan Rice gölek avêt û îngilîz bi 1-0 derketin pêş. Di deqiqeya 18'an de vê carê Rice asist kir û Ezri Konsa temam kir. Îngiliz rehet bûn, lê tu deng ji fransizan nedihat. Di rewşeke wisa de Bukayo Saka du caran derket ser dikê: Di deqîqeya 37'an de bi asîsta Rashford, di deqîqeya 45'an de bi asîsta Eze encama 45 deqeyên pêşî diyar kir: 4-0.

45 deqeyên duyemîn bi golên Fransayê dest pê kir. Di deqîqeya 48'an de bi asîsta Olise golavêj Mbappe temam kir: 4-1. Piştî vê bi 6 deqeyan vê carê Mbappe asist da Barcola û wî hinek hêvî da tîma xwe: 4-2.
Di deqîqeya 66'an de care din Mbappe li ser dikê bû û encam ani 4-3.

Deqe 87, Îngilistanê penaltî bi dest xist, Sakayê ku du gol avêtin, penalti bikar anî û gol avêt: Encam bû 5-3. Saka jî bi vî awayî hat-trick kir.

90+6, vê carê Fransayê avêt: 5-4. Lîstikvanê Fransiz Dembele ku di nîveka duyemîn de ketibû maçê, vê deqîqeyê de gola xwe avêt. Dembele di asîsta Upamecano de gola xwe avêt û di vê kûpayê de bû 6 gol diavêje.

Û 90+7; Encam diyar bû: 6-4. Di vê deqîqeyê de Bellinghamê ku Nîveka duyemîn de ketibû sehayê, gog gelek ajot, li nava sehayê çend lîstikvanên Fransazyê bela wela kirin û gol avêt.
Di maçê de tam 10 gol çêbûn û Îngilistan bi 6-4'ê bû sêyemînê dinyayê.

ÇEND NOT:
- Mbappe bi gola ku avêt bû xwedî 10 golan û di vê tûrnûvayê de niha bû kesê herî zêde golan diavêjel Mbappe di vê tûrnûvayê de Senegal, Iraq, Swêd û Îngilistan, her yekê 2 gol avêtin wan. Her wiha Paraguay û Fas jî her yek golek avêtibû wan.
- Bi vê Mbappe bu 22 golan diavêje û niha ew kes e ku herî zêde gol avêtiye. Messi bi 21 golan li dû ye. Ger maça fînalê de Messi golê/an neavêje ev rekor wê di destê Mbappe de be.
- Li aliyê din di vê tûrnûvayê de Mbappe 10 gol, Messi 8 gol avêtine; Ger Messi negihîje Mbappa wê Mbappe bibe tekane lîstikvan ku di du tûrnûvayan de ser hev dibe golavêjê yekem.
- Lîstikvan Saka bi 3 golên îro avêtin di vê tûrnûvayê de bû çaremin kes ku hat-trickê dike. Messi di maça Cezayir, Jonathan (Kanada) di maça Qetarê de, Dembele (Fransa) di maça Norwecê de hat-trick kiribû û niha jî Saka di maça Fransayê de hat-trick kir.
- Li aliyê din Saka di vê tûrnûvayê de 300'emîn gol avêt.
- Teknîk dîrektorê Fransayê Didier Deschamps di lîstikvaniya xwe de bi maça Îngilistanê xatir xwestibû, niha jî di teknîk dîrektoriya xwe de dîsa bi maça Îngilistanê xatir dixwaze.
- Îngilistan herî dawî di sala 1966'an de bû ev kûpa girtibûn û ji wê demê ve heta niha serketineke wan tune bû. Îngilistan di sala 1990'ê de li hemberî Îtalya, di sala 2018'an de jî li hemberî Belçîkayê têk çûbûn û maça sêyemînî winda kiribû. Piştî 60 salan vê carê bûn sêyemîn û madalya girtin.
- Li Îngilistanê Jude Bellingham bi gola avêt bû 7 golan diavêje. Ew di vê tûrnûvayê de piştî Mbappe û Messi ligel Haaland bi 7 golan tê.