Diyarname

Kovara wêjeyî, çandî û hunerî W di hejmara xwe ya nû de li ser helbestvan Berken Bereh dosyayeke amade kiriye.

Kovara W du meha carekê ji aliyê Enstîtuya Kurdî ya Amedê ve bi kurdî tê weşandin. W'yê niha hejmara xwe ya 49'an a rezber-kewçêrê derxist. Kovar ku di her hejmarê de dosyayeke amade dike dosyaya xwe ya vê mehê li ser helbestvan û nivîskarê malpera me Diyarnameyê Berken Bereh amade kiriye. Di dosyayê de Dilawer Zeraq: "Berken Bereh: Helbestvan bi helbesta xwe li xaka xwe vedigere", Rojan Barnas "Hevrê Berken Bereh", Adar Jiyan "“Êş”a“şagirtê(n) evînê” ango Berken Bereh", "Evîn Şikakî "Di helbesta Berken Berehî de netewe", Mem Bawer "Di kovara 'TÎRÊJ' ê de, helbesta Berken BEREHî", Yeqîn H. "Kelama sibehê", Çiya Mazî "Ji bo Berken Berehî", Yildiz Çakar "Dilê şaîrê min êş û evîn e!", Umît Esen "Êdî tu Berken Bereh î", Ceng Hêvîdar "Helbest çekeke vejînê ye li sermilê Berken Bereh", Welat Dilken "Hosteyê min Berken Bereh", Selîn Gulfiraz "Dilînên reşeyekî stûxwar", Ferzan Şêr "Di bêdengiya 'Pandomîm'ekê de qêrîna şêwazê", Îmad Bernas "Di helbesta Kurdî- Kurmancî de haîku: ‘B. Bereh’", Îlyas Suvagcî "Di helbesta Berken Bereh de hêma", Îslam Gelîş "Di helbesta Berken Berehî de jin" û Selamî Esen jî "Mamo Berken" nivîsiye.

Ji bilî dosyayê gelek nivîsên din jî di kovarê de cih girtine. Ji hevpeyvînan Feratê Dengizî bi Omer Dilsoz re hevpeyvîneke kiriye.

Li gor gotina edîtoriya kovarê di hejmara bê de wê li ser "Di rewşenbîriya kurdan de rola Binxetê" dosyayê amade bikin û yên bixwazin dikarin heta 15'ê meha kewçêrê ji wan re nivîsên xwe bişînin.