Diyarname 

Fîlmê "Maria" ku serlîstikvaniya wê Angelina Jolie dike promiera wî li Festîvala Fîlman a Venedîkê hat kirin û ji bo fîlmî 8 deqe li çepikan dan.

Fîlm ji aliyê derhêner Pablo Larrain ve hatiye kişandin  û Jolie têde serlîstikvan  e. "Maria" li ser jiyana hunermenda operayê ya bi eslê xwe yewnan Maria Callas hatiye kişandin. Jolie rola Callas girtiye ser milên xwe.

Jolie li ser strîna operayê gotiye, "Ji bo vê yekê hema bêje min 7 mehan ders dît. Ger hûn ligel Pablo bixebitin divê her tişt temam be, ew tiştê nîvco naxwaze û dixwaze hûn perwerdehiyê bibînin."

Piştî nîşandayîna fîlmî eleqeya li bendê zêdetir eleqe dît û 8 deqîqeyan li ser piyan ji bo fîlmî li çepikan dan.

81'emîn Festîvala Fîlman a Venedîkê roja 28'ê mehê dest pê kir û 7'ê meha pêşiya me wê bi dawî bibe.