Diyarname
Kovara Nûbiharê bi hejmara xwe ya 170'yî li pêşberî xwendevanên xwe ye.
Kovara Nûbiharê ku sê mehan carek bi rêk û pêk derdikeve bi hejmara xwe ya Zivistana 2025'an derket pêşberî xwendevanên kurdî.
ÇÎROKA TIRBA EHMEDÊ XANÎ
Di vê hejmarê de jî gelek nivîs, hevpeyvîn, çîrok û helbest hene. Ji van Nihat Gultekîn li ser "Çîroka çêkirina Tirba Ehmedê Xanî" sekiniye. Tirba Ehmedê Xanî ku heta niha gelek kes çûne ser, lê belkî gelek kes jî bi dîrok û çêirina wê nizanin. Nivîs meseleyê ji bo xwendevanan zelal dike. Ji nivîsên din M. Zahir Ertekin bi navê “Geştek li nav Dîwana Behmûrî” li ser Dîwana Behmûrî nivîsiye.
HELBESTVAN BARIYÊ BALA
Ehmedê Hepo bi sernavê "Bîranên li efrandiya heq aliyayî" li ser bîranên xwe û helbestvan Bariyê Bala nivîsiye. Bariyê Bala di sala 1937'an de li gundekî Ermenistanê tê dinyayê û sala 2020'î li Qazaxîstanê, Alma Atayê di 84 saliya xwe de dimire. Hepo ku ji sala 1960'î ve wan hev nas dikir, niha bala xwendevanan dikişîne ser wî.
Hanifi Taşkin jî di nivîsa xwe de bal kişandiye ser Adil Begê Miksî. Adil Beg di sala 1931'ê de, di 33 saliya xwe de hatiye kuştin. Taşkin li ser vê meseleyê sekeniye.
HEVPEYVÎNA LI SER FOLKLORÊ
Ji bo vê hejmarê Paşa Amedî bi nivîskar Mehmet Oncu re hevpeyvinek çêkiriye. Oncu ku bi berhevkariya folklorê tê nasîn û heta niha gelek pirtûk berhev û çap kirine li ser vê xebata xwe sekiniye.
YÊN DIN ÊN KED DANE
Ji bilî van Tehsîn Îbrahîm Doskî, Hekîm Meretoyar, Nevzat Eminoğlu, Sabri Akbel, Newzad H. Wezîr, Eyşana Beravî, Mizgîn Ertaş, Mustafa Ertaş, Wehab Mistefazade, Mela Muhemmed Gulnar, Xortê Nazik, Mustafa Karadaili, Bedirhan Epozdemir, Dilazad A.R.T, Dawid Aram, Rojbîn Ozkan, Ahmet Gemi û Ozan Serhedî bi nivîsên xwe ked dane vê hejmarê.
Her wiha di vê hejmarê de helbestên kesên wekî A. Rahîm Kiliç, Rojen Barnas, Berken Bereh, Mewlana Celaleddînê Romî, Hebîb Akbaş, Asyah Goyî, Mihemed Elî Bayram, Sidîq Gorîcan, Eyşana Beravî, M. Ebdulhemîd Mendanî, Kevok Mizgîn, Mistefayê Gewrê, Sabrî Akbel, Muhammed Bozkoyun, Mustafa Işik, Mîna Aqil, Alî Yusuf Rengvermez, Bedirhan Epozdemir, Mehmet Çalişci hatine belavkirin.
Ji bo têkilî:
0212 519 00 09
info@nubihar.com
***
Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.