Diyarname

Pirtûkeke nû ya çîrokekek dirêj "Rêzan û Çolo" derket. Pirtûka ku ji aliyê Roger Sozdar ve hatiye nivîsandin ji aliyê Weşanên Aryen ve hatiye çapkirin.

Pirtûk, çîroka zarokekî bi navê Rêzan û kûçikê wî Çolo vedibêje. Rêzan ku li gundekî aliyê Çiyayê Sîpanê ligel dê û bavê xwe dijî, zarokekî xwedî taybetmendiyên cuda ye. Wekî zarokek ji rêzê ji dêvla ku ligel zarokên gund bilîze, lê na, ew ji vê hez nake, berevajî ji gerê, derketine çol û newalan hez dike. Û rojek rastî kûçikek ku ew navê Çolo lê dike tê. Dê û bavê ku kûçik wekî "heram" dibînin û naxwazin ew were cem wan, lê paşê dê mecbûr bimînin xwedî lê derên. 

Ji bo pirtûk "Çîrok" hatiye nivîsandin, wekî çîrokek dirêj li pêşberî xwendevanan e. Pirtûka ku bi zimanekî herikbar hatiye nivîsandin û xweş e, lê heyecan kêm e ku dikaribû bi hin bûyeran heyecana pirtûk derxe astek bilindtir. 

Di wêjeya dinyayê de pirtûkên çîroka zarok û kûçikan vedibêjin hene ku ji van fîlm hatine çêkirin; ev pirtûkê li ber destê me jî bi hin pêlîstinan dikare bibe senaryoyeke fîlmekî.

Wekî notek din; Di pirtûkê de wêneyên ku hatine belavkirin ji aliyê zarokên li Kampa Mexmûrê hatine xêzkirin.

Roger Sozdar kî ye?

Nivîs Roger Sozdar di sala 1985'an de li gundê Têco yê navçeya Qereyaziya Erzeromê hatiye dinê. Dibistana seretayî û navîn li YÎBO'ya Qereyaziyê xwendiye, dibistana amadehî li Enqereyê. Beşa Civaknasî ya Zanîngeha Eskîşehîrê nîvî de hiştiye. Demek bi şanoyê re eleqedar bûye. Li Kurd-Dera Enqereyê bi kurdî skêç çêkirine. Demek di Van TV de xebitiye; piştî bi KHK'ê (Biryarnameya di Hukmê Zagonê de) kanal hatiye girtin wî ligel hin hevalên xwe şanogeha zarokan Mavî Kuş ava kiriye, lê ji ber rewşa aborî ew girtine.

Nivîskar Sozdar berî vê, di sala 2021'ê de romanek bi navê "Tazî" ji Weşanên Aryen derxistibû. 

- Rêzan û Çolo / Roger Sozdar / Weşanên Aryen / Çîrok / 2023 / 96 rûpel