Diyarname
Kovara bi kurdî û tirkî Dilop bi hejmara xwe ya nû li pêşberî xwendevanên xwe ye.

Kovara Dilopê di sala xwe ya 9'an de weşana xwe didomîne. Kovarê niha hejmara xwe ya 43'yan derxistiye. Kovarê wekî hejmara gulan-pûşper-tîrmeh wekî kovareke sê mehane hejmara xwe ya nû pêşkêş kiriye.

Kovarê di vê hejmarê de di berga xwe de pirsa "Gulîstan li ku ye?" kiriye û bal kişandiye ser windakirina Gulîstan Doku. Di vî warî de nivîsa Fewzî Bîlge "Gulistan", ya Sezai Sarioglu "Gulistan'a Sor..." û ya Yuksel Genç "Gulistan dosyasi politik ve sistemsel" hatiye weşandin.

Kovarê di vê hejmarê de dosyaya xwe li ser "Kurdên Rojhilat" amade kiriye. Perwer Armed, Recep Maraşli, Şureş Karini û Gelawêj Ewrîn li ser meseleyê di dosyayê de gotina xwe gotine.

Ji nivîsên din Eskerê Boyîz nivîsa xwe bi sernavê "Ji bo Mehmet Emîn Bozarslan" pêşkêş kiriye û li ser Bozarslan nivîsiye.

Ji bilî van Vahdet Sinan, Homayon Ebasî, Mehmet Ozyazanlar, Cemal Taş, Cîhan Roj, Bulent Bilmez û Haşîm Yetim bi nivîsên xwe cih girtine.
Her wiha helbestên Reyhan Sarhan, Mehmet Emîn Bozarslan, Vazgal Bazîdî, Emrah Coşan û Ahmed Arîf hatine weşandin.

Ji bo têkilî:
kovaradilop.net