Diyarname

39’emîn Festîvala Fîlman a Navneteweyî ya Stenbolê bi gava dawî bi dawî bû: Di beşa Belgefîlmî Herî Serketî de belgefîlmê derhêner Deniz Tortum ê bi navê “Maddenin Halleri” xelata Belgefîlmî Herî Serketî girt. Di beşa Pêşbaziya Navneteweyî de jî Fîlmê derhêner Valentyn Vasyanovych ê bi navê “Atlantis” bi ser ket û xelata Laleya Zêrîn girt. Heman fîlm bi xelata FIPRESCI jî hat xelatkirin.

Îsal vîrusa koronayê bandorek mezin li qada çand û hunerê kir. Festîvala Fîlman a Navneteweyî ya Stenbolê jî bi vî awayî. Festîvala ku her sal di meha avrêlê de li dar dikeve pêşî hat taloqkirin, paşê di meha tîrmehê de beşek ji festîvalê li dar ket. Beşa Pêşbaziya Neteweyî li dar ket û fîlm hatin xelatkirin. Vê mehê jî di navbera 9-20’ê mehê de li dar ket. Beşên mayî wekî Pêşbaziya Belgefîlman, Pêşbaziya Fîlmên Navneteweyî li dar ketin. Festîvalê ligel vê fîlmên Festîvala Payîzê Fîlmekîmî jî bi hev re pêşkêş kirin. Êvara 20’ê mehê li Salon ÎKSV’ê bi merasimek xelat hatin belavkirin.

“Haddenin Halleri” 10 hezar girt

Di beşa Pêşbaziya Belgefîlman de 11 belgefîlmên neteweyî hebûn. Endamên juriyê derhêner Rûken Tekeş, sazkar-derhêner Yasin Ali Turkeri û derhêner-hunermend Ezgi Kilinçaslan belgefîlm nirxandin. Di pêşbaziyê de belgefîlmê Deniz Tortum “Maddenin Halleri” xelata Belgefîlmî Herî Serketî girt. Ligel peykerek 10 hezar TL xelat dan belgefîlmî.

Belgefîlmê Serdar Kokçeoglu “Mimaroglu” belgefîlmê Zeynep Dadak “Ah Gozel İstanbul” jî bi xelata Mansiyonê hatin xelatkirin.

“Atlantis”î Laleya Zêrîn girt

Di beşa Pêşbaziya Navneteweyî de 12 fîlm hebûn. Di bin Serokatiya derhêner Tayfun Pirselimoglu de derhêner Burak Çevik, lîstikvan Hazar Erguçlu, dîrokzanê sînemayê û bernamesaz Jasmin Basic û berhevkarê fîlman Anthony Bobeau fîlm nirxandin. Juriyê fîlmê derhêner Valentyn Vasyanovych ê bi navê “Atlantis” hêjayî Xelata Laleya Zêrîn girt. Ligel peykerek 10 hezar Euro pere wekî xelat danê. Her wiha Xelata FIPRESCI jî dan heman fîlmî

Di beşa Pêşbaziya Neteweyî de Xelata Taybet a Juriyê dan fîlmê derhêner Aleks Piperno “Denizaltisi da Olsun İsteyen Cam Temizleyici / Window Boy Would Also Like to Have a Submarine”.

Lîstikvan Camila Morrone bi rola wê ya di fîlmê “Mickey and the Bear” de bi xelata Mansiyonê hat xelatkirin.

Her wiha festîvalê Xelata Gel ku yekem car bi dengên kesên ji ser online re li fîlman temaşe kirin hilbijart da fîlmê Mahnaz Mohammadi ê bi navê “Son–Mother”

**

-Nûçeyên Eleqedar:

- Belgefîlm li Stenbolê dikevin pêşbaziyê 

- 'Aşk, Buyu vs.' bi ser ket 

- Fîlmên Festîvala Stenbolê diyar bûn
- Festîvala Stenbolê vê mehê jî beşek ji fîlman pêşkêş dike

- Ji Festîvala Stenbolê 15 fîlmên biyanî hatin

- 'Îşe Yarar Bîr Şey' li benda we ye

- Festîvala Fîlman a Stenbolê hat betalkirin 

- Vaye afîşa Festîvala Stenbolê 

- Juriya Kurtefîlman diyar bû 

- Xelatên Rûmetê yên Sînemayê eşkere bûn

- Hitchcoock bi 15 fîlmên xwe tê Stenbolê