Diyarname
Egîtîm-Sena Wanê ev sê sal in "Sempozyûma Zimanê Kurdî" li dar dixe. Di rojên Cejna Zimanê Kurdî de Egîtîm-Sena Wanê jî vê xebatê dike. Îsal bi sernavê "Li Kurdistanê rewşa zimanê kurdî û perwerdehiya bi kurdî" li dar dikeve. Sempozyûm di navbera rojên 16-17'ê gulanê de, li Wanê, li Salona Tahir Elçî ya Baroya Wanê li dar bikeve û yên bixwazin dikarin herin lê temaşe bikin.
Îsal Mêvanê Rûmetê yê Sempozyûmê nivîskar û weşanger Qahir Bateyî ye. Li gelek bajarên kurdan wê beşdar hebin.
'DEWLET BO TIRKÎ ÇI XIZMETÊ DIKE DIVÊ BO KURDÎ JÎ HEMAN TIŞTÎ BIKE'
Yek ji amadekar û Rêveberê Lijneya Zimanê Kurdî ya Egitim-Sena Wanê Lokman Babat daxuyanî da çapeminiyê û got ku ji Qamişlo, Hewlêr, Silêmanî, Amedê wê beşdar hebin û wisa got, "Bi hewldanên saziyên wekî me tenê û bi hewldanên kesan em nikarin pişaftinê bidin sekinandin. ev berpirsiyariya dewletê ye. Ji ber ku kurd li dewletên lê dijîn, hemwelatiyên wan ên birûmet in, berpirsiyariya dewletê li hemberî wan heye. Em li ser Tirkiyeyê bibêjin, daxwaza me ev e; ew xizmeta ji bo zimanê tirkî tê kirin heman xizmet ji bo zimanê kurdî û ji bo zimanên din jî bê kirin. Lê mixabin hê Tirkiyeyê wisa gaveke demokratîk neavêtiye. "
FORÛMA SEMPOZYÛMÊ
Babat got ku wan îsal beşek li sempozyûmê zêde kiriye û got, "Wekî beşa dawî, wekî forûm emê li dar bixin. Yên bixwazin nêrînên xwe li ser ziman bînin ziman, dikarin beşdarî fotûbê bibin û dîtinên xwe bînin ziman."
MIJARÊN SEMPOZYÛMÊ
Sempozyûm roja yekê saet 10'an de bi axaftina destpêka sempozyûmê wê dest pê bike. Hevseroka Egîtîm-Sena Wanê Funda Demir Bozkurt, Rêveberê Lijneya Zimanê Kurdî ya Egitim-Sena Wanê Lokman Babat û mêvanê rûmetê Qahir Bateyî wê axaftina destpêkê bikin. Dûre Wê sempozyûm dest pê bike.
Bername bi vî rengî ye:
16'ê Gulanê:
Rûniştina Yekem
Moderator: Zafer Miksî
Axivger:
1) Azad Weledbegî (Hewlêr): "Arîşeyên Berdem Cêbicêkirina Yasaya Zimanêt Fermî le Herêma Kurdistan (Vekolinek Şirovekar ya Yasayê)
2) Doç. Dr. Êbad Ruhî (Silêmanî): Rewşa Zimanê Kurdî di Perwerdehiya Hiqûqê de li Kurdistanê: Derfet û Astengiyên Wê
Saet:13:30-15:00
Rûniştina Duyem
Moderator: Ferhan Arslan
Axiver:
1) Bahoz Baran (Amed): Perwerdehî û Rewşa Zimanê Kurdî
2) Serhat Temel (Amed): Rewşa Zaravaya Kirmanckî ya Ewroyine û Ameyoxê Zaravaya Kirmanckî
Saet 15.15 - 16.45
Rûniştina Sêyem:
Moderator: Erşan Yûrdakûl
1) Mizgîn Hesen (Qamişlo): Rewş/Realîsta Zimanê Kurdî li Rojava
2) Gulistan Ismail (Qamişlo): Perwerdeya bi Zimanê Kurdî li Rojavayê Kurdistanê
- 17'ê Gulanê.
Saet: 11.00-12.30
Rûniştina Çarem
Moderator: Nûrhat Hetav
Axiver:
1) Dr. Îsmail Necmedîn Zengene (Silêmanî): Doxî Zimanî Kurdî; Wek Zimanî Yasa û Dadwerî le Herêmî Kurdistan da
2) Prof. Dr. Trîfa Omerî (Silêmanî): Pispor le Barey Zanistî Zimanê Derpêkirdin- Pragmatik
Saet: 12.45-14.00
Forûm
Moderator: Oznûr Deger