Cemil Oguz

Festîvala Fîlman a Stenbolê ya Navneteweyî vê mehê jî 15 fîlmên ku ji festîvcalên cur bi cur neqandine pêşkêş dike. Fîlm di navbera 12-26’ê vê mehê de ji ser online re bêne nîşandayîn.

Festîvala ku ji aliyê ÎKSV’ê (Weqfa Çand û Hunerê ya Stenbolê) ve tê organîzekirin îsal ji ber vîrusa koronayê hatibû bi paş ve xistin. Festîvalê meha borî 15 fîlmên ku neqandibûn ji ser online re pêşkêş kirin û rastî eleqeyek mezin hat. Di kurtedemê de bilêtên wan fîlman hatin firotin. Festîvalê ji bo vê mehê jî guldesteyek ku ji 15 fîlman pêk tê amade û pêşkêş kir. Ev fîlmên hatine hilbijartin berê di festîvalê wekî Venedik, Toronto, Cannes, Tallinn, SXSW hatine nîşandayîn.

Fîlm ji ser navnîşana wan a  filmonline.iksv.org re têne nîşandayîn lê ji bo temaşekirinê divê bilêt bêne kirîn. Her bilêtek fîlmekî dema bê kirîn heta 5 rojan kengê bixwazin dikarin lê temaşe bikin. Her roj fîlmekî piştî saeta 21.00’ê tê pêşkêş kirin. Yên bixwazin dikarin bilêtek tenê, yan jî kombîne bikirin û li hemûyan temaşe bikin. Festîvalê wekî ku di festîvala nomal de li salonê bê nîşandayîn firotina bilêtan bi sînor kiriye. Fîlm bi jêrnivîsa tirkî têne nîşadayîn û tenê ji bo kesên li Tirkiyeyê dijîn hatine pêşkêş kirin. 10’ê mehê saet 10.30 de dê ji heman navnîşanê dest bi firotina bilêtan bê kirin. Bilêt 9 tenê, kombîne bi 99 TL’yî tê firotin.

Di nav vê hilbijêrê de hin fîlmên li ser jinên xurt hene ku derdikevin pêş. Dîsa belgefîlmên ku em pêşniyar bikin jî hene.

Hinên ku em derxin pêş

Derhêner Huseyin Tabak ku herî dawî li ser Yilmaz Guney "Çirkin Kral Efsanesi" kişandibû vê carê bi fîlmê "Gipsy Queen" (Kralîçeya Qereçî) li pêşberî temaşevanan e. Tabak çîroka jinek xurt ku ji bo zarokên xwe xwedî bike boksê dike derdixe pêş.

Dayik dê bikaribe keça xwe rizgar bike?

Derhêner Julie Delpy jî balê dikişîne çîroka jinek ku dixwaze keça xwe rizgar bike. Derhêner Delpy bi xwe senaryo nivîsandiye û lîstiye jî. 

Çîrokek ji derhênera Erebistana Siûdî

Derhênera ji Erebistana Siûdî Haifaa Al Mansour di fîlmê xwe "The Perfect Candidate" de çîroka jinek xurt pêşkêş dike.

Serlîstikvana fîlm jinek doktor ku dibe berendama Meclisa Şaredariyê û çîroka bi kodên cinsiyetwarî li dor digere. Derhêner Al Mansour di sala 2013'yan de "Vecide" kişandibû û bi vê gelek xelat girtibû.

'Sin' dikeve nava dîrokê

Derhênerê rus ê navdar Andrei Konchalovsky bi fîlmê xwe "Sin" berê kameraya xwe dide yek ji fîgurên girîng ê dîroka hunerê Mikelanj. Derhêner Konchalovsky ku heta niha li ser fantezî û aksiyonê gelek fîlm pêşkêş kiribû vê carê tiştek din diceribîne.

Fîlmekî serbixwe 'Saint Frances'

"Saint Frances" fîlmê derhênerê amerîkî Aleks Thompson e. Fîlm çîroka Bridgeta xweşik, di heman demê de hinek belawela, bi kêmasiyên xwe dilşad, henekbar, bi enerjiya xwe ya zêde û bi dilşadiya xwe pêşkêş dike. Fîlm yek ji fîlmên serketî yê sînemaya serbixwe yê Amerîkayê ye

Û 'Çiyayên Xewnan'

Û di dawiyê de em belgefîlmekî derdixin pêş: Belgefîlmê bi navê "The Cordillera of Dreams" (Xewna Çiyayan) ê derhêner Patricio Guzman e. Guzman ê ji Şîlî yekj i hostayên sînemaya belgefîlmî yê vî welatî ye. Ew di vî belgefîlmî de mirovan li ser paşeroja welatê xwe ya xwedî derbe û komkujiyan dide fikirandin. Belgefîlmê ku li Cannesê hat nîşandayîn niha li Tirkiyeyê dibe mêvanê festîvalê.

Vane hemû fîlmê ku dê bêne nîşandayîn ev in:

- Parlak Gunlerim / Mes jours de gloire / My Days of Glory / Derhêner Antoine de Bary 

- Çingene Kraliçe / Gipsy Queen / Derhêner Huseyin Tabak

- Sutliman / Pacificado / Pacified / Derhêner Paxton Winters

- Kestane Ormanindan Hikâyeler / Zgodbe iz kostanjevih gozdov / Stories from the Chestnut Woods / Derhêner Grego Bozic

- İkimiz / Deux / Two of Us / Derhêner  Filippo Meneghetti

- Mutlu Gunler / Happy Times / Derhêner Michael Mayer

- Kizim Zoe / My Zoe / Derhêner Julie Delpy

- Mukemmel Aday / The Perfect Candidate / Derhêner Haifaa Al Mansour

- Gunah / Il Peccato / Sin / Derhêner Andrei Konchalovsky

- Beyaz Ustune Beyaz / Blanco en Blanco / White on White / Derhêner Théo Court

- Azize Frances / Saint Frances / Derhêner Alex Thompson

- Baumbacher Sendromu / Baumbacher Syndrome / Derhêner Gregory Kirchhoff

- Ruyalarin Daglari / La cordillera de los sueños / The Cordillera of Dreams / Derhêner Patricio Guzmán

- Dolaşık / Entwined / Derhêner Minos Nikolakakis

- Rialto / Derhêner Peter Mackie Burns

**

Nûçeyên Eleqedar:

- Ji Festîvala Stenbolê 15 fîlmên biyanî hatin

- 'Îşe Yarar Bîr Şey' li benda we ye

- Festîvala Fîlman a Stenbolê hat betalkirin 

- Vaye afîşa Festîvala Stenbolê 

- Juriya Kurtefîlman diyar bû 

- Xelatên Rûmetê yên Sînemayê eşkere bûn

- Hitchcoock bi 15 fîlmên xwe tê Stenbolê