Diyarname

39'emîn Festîvala Fîlman a Navneteweyî ya Stenbolê ku ji ber pandemiyê hatibû bi paş ve xistin hefteya borî tenê ji bo beşa fîlmên neteweyî li dar ket. Duh êvarê bi merasimek berhemên bi ser ketin hatin xelatkirin. Fîlmê derhêner Umît Unal ê bi navê "Aşk, Buyu vs." wekî fîlmê herî serketî Xelata Laleya Zêrîn girt. Fîlmî ligel peykerek 200 hezar TL xelata pereyê jî girt. Vî fîlmî ligel vê, xelata senaryoya herî serketî, lîstikvana herî serketî jî girt.

Merasima xelatdayîna festîvalê li Muzeya Sakip Sabanci l idar ket. Di şevê de fîlmê  Umît Unal bi ser ket. Li aliyê din xelata derhênerê herî serketî dan derhêner Ercan Kesal ku ew bi fîlmê xwe "Nasipse Adayiz" beşdarî festîvalê bûbû. Lîstikvan Selen Uçer û Ece Dizdar bi rola xwe ya di fîlmê "Aşk, Buyu vs" de xelata lîstikvana herî serketî, Fatih Al jî bi rola di fîlmê "Korleşme" de xelata lîstikvanê herî serketî girt.

Vane hemû fîlmên di şevê de bi ser ketin û xelatên xwe girtin:

Pêşbaziya Neteweyî:

- Laleya Zêrîn Fîlmê Herî Serketî: Aşk, Buyu vs (Derhêner Umît Unal)

- Xelata Taybet a Juriyê ku li ser navê Onat Kutlar tê dayî? Bîna (Derhêner Orçun Behram)

- Derhênerê Herî Serketî: Ercan Kesal 

- Lîstikvana Herî Serketî:  Selen Uçer, Ece Dizdar (Bi rola di Aşk, Buyu vs. de)

- Lîstikvanê Herî Serketî: Fatih Al (Bi rola di Korleşme de)

- Derhênerê Dîmenê yê Herî Serketî: Engin Ozkaya (Bina)

- Vesazkirina Herî Serketî: Ali Aga (Nasipse Adayiz)

- Muzîka Herî Serketî: Can Demirci (Bina)

Xelata Fîlmê Yekem a Seyfî Toroman:

- Xelata Fîlmê Yekem: Bina (Derhêner Orçun Behram)

Pêşbaziya Neteweyî a Kurtefîlman:

- Kurtefîlmê Herî Serketî: Siyah Guneş (Derhêner Arda Çiltepe)

- Mansiyon: Ahtapot (Derhêner Engin Erden)

Xelata Fîbrescî:

- Pêşbaziya Neteweyî ya FIPRESCI: Nasipse Adayiz (Derhêner Ercan Kesal)

Beşên din ên Festîvala Stenbolê dê payîzê li dar bikeve. Festîval di navbera 9-20'ê kewçêra 2020'an de dê li dar bikeve. Fîlmê biyanî û her wiha pêşbaziya belgefîlman wê çaxê dê li dar bikeve.