Diyarname

39’emîn Festîvala Fîlman a Navneteweyî ya Stenbolê îsal ji ber vîrusa koronayê di meha xwe, avrêlê de li dar ket û hat bi paş ve xistin. Niha hem fîlmên pêşbaziya neteweyî û pêşbaziya kurtefîlman, hem jî dîroka nû ya festîvalê hat diyar kirin.

Her du pêşbazî vê mehê ne

39’emîn Festîvala Fîlman a Navneteweyî ya Stenbolê divê meha avrêlê de li dar biketa lê ji ber vîrusê hat bi paş ve xistin. ÎKSV (Weqfa Çand û Hunerê ya Stenbolê) ku festîvalê li dar dixe biryar da ku festîvalê îsal di navbera 9-20’ê kewçêra 2020’an de ligel “Fîlmekîmî” li dar bixe. Û pêşbaziya neteweyî û pêşbaziya kurtefîlman jî vê mehê.

Li gor vê bernameyê Pêşbaziya Neteweyî û Pêşbaziya Neteweyî ya Kurtefîlman vê mehê di navbera 17-28’ê tîrmehê de dê li Muzeya Sakip Sabanci (SSM) li dar bikeve. Di nav bernameyê de 11 fîlmên metrajdirêj ên ji Tirkiyeyê û 12 kurtefîlm hene. Fîlm li salona sînemayê ya servekirî ya SSM’ê bêne nîşandayîn û li gor tevdîrên koronayê dê xebat bê meşandin. Di heman demê de fîlm dê bi ser online re jî li ser malpera festîvalê filmonline.iksv.org bêne nîşandayîn.

Endamên juriyê diyar bûn

Juriya Pêşbaziya Neteweyî di bin serokatiya Mahmut Fazil Coşkun de ji sazkar Sevil Demirci, lîstikvan Berk Hakman, derhênera dîmenê Deniz Eyuboglu Aydin û nivîskar Hakan Biçakçi pêk tê. Jurî dê di 9 waran de serketiyan diyar bike. Fîlmê herî serketî dê 200 hezar TL xelatê bigire. Ji bo Xelata Taybet a Juriyê ku li ser navê Onat Kutlar tê dayîn dê 50 hezar pere bidin sazkarê/a fîlm. Anadolu Efes dê 50 hezar TL bide Derhênerê Herî Serketî. Her wiha lîstikvana herî serketî û lîstikvanê herî serketî her yek dê 10 hezar TL bigirin. Muzîka xweser a serketî bi 5 hezar TL (vê xelatê Lu Records dide), senaryoya herî serketî bi 10 hezar TL (vê xelatê Aksolotl dide) bê xelatkirin.

Fîlmên pêşbaziya neteweyî

Di beşa Pêşbaziya Neteweyî de 11 fîlm hene ku piranî jî fîlmên yekemîn ên derhêneran in. Ev in fîlmên vê beşê:

- Bina / Orçun Behram  

- Plaza / Anil Gelberi 

- Nasipse Adayiz / Ercan Kesal 

- Korleşme / Haci Orman 

- Ceviz Agaci / Faysal Soysal 

- Aşk, Buyu vs. / Umit Unal 

- Topal Şukran’in Maceralari / Onur Unlu 

- Uzak ulke / Erkan Yazici 

- Şair / Mehmet Emin Yildirim 

- Bilmemek / Leyla Yilmaz 

- Soluk / Ozkan Yilmaz 

Pêşbaziya Kurtefîlman

Di beşa Pêşbaziya Kurtefîlman a Neteweyî de jî 12 kurtefîlm hene. Di bin serokatiya derhêner Konstantina Kotzamani, derhêhener Gokalp Gonen û lîstikvan Boran Kuzum de jurî dê nirxandinê bike û xelatê bilav bike. Fîlmê herî serketî ji aliyê Anadolu Efesê ve bi 5 hezar TL’yî bê xelatkirin. Ev in fîlmên vê hefteye:

- Goremedigimiz Tum Işiklar / Şeyhmus Altun 

- Bir Yazdan İzlenimler / Ayça Çiftçi 

- Siyah Guneş / Arda Çiltepe 

- Ahtapot / Engin Erden 

- Evde Yok / Murat Emir Eren 

- CemileSezgin / Aylin Kuryel, Raşel Meseri 

- Yagmur Olup Şehre Duşuyorum / Kasim Ordek 

- #21xoxo / Sine Ozbilge, İmge Ozbilge 

- Free Fun / Fehmi Ozturk 

- Yolcular / Farnoosh Samadi, Ali Asgari  

- Buyuk İstanbul Depresyonu / Zeynep Dilan Suren 

- Kulak Misafiri / Ahmet Togaç 

Xelata Seyfî Toroman

Festîval li ser navê Seyfî Toroman de jî Xelata Fîlmê Yekem dide ku CMYLMZEndamên juriyê derhêner Emine Emel Balci, lîstikvan Ozgur Emre Yildirim û muzîkar Ahmet K. Bilgiç dê serketiyê vê beşê diyar bikin Di vê beşê de ev fîlm hene:  

Bina / Orçun Behram  

- Plaza / Anil Gelberi 

- Nasipse Adayiz / Ercan Kesal 

- Korleşme / Haci Orman 

- Uzak ulke / Erkan Yazici 

- Soluk / Ozkan Yilmaz 

Bilêt hefteya pêşiya me têne firotin

Bilêtên fîlman dê 9’ê mehê bêne firotin. Bilêtên ji bo temaşekirina bi ser online re jî dê 10’ê mehê bêne firotin. Her wiha bilêtên SSM’ê dê bi ser biletiksê re jî bêne firotin

Ercan Kesal wekî derhêner yekemîn fîlmê xwe yê metrajdirêj pêşkêş dike. Di fîlmê "Nasîpse Adayiz" (Ger qismet be em berendam in) de ew bi xwe jî dilîze.

**

Nûçeyên Eleqedar:
- Festîvala Stenbolê vê mehê jî beşek ji fîlman pêşkêş dike

- Ji Festîvala Stenbolê 15 fîlmên biyanî hatin

- 'Îşe Yarar Bîr Şey' li benda we ye

- Festîvala Fîlman a Stenbolê hat betalkirin 

- Vaye afîşa Festîvala Stenbolê 

- Juriya Kurtefîlman diyar bû 

- Xelatên Rûmetê yên Sînemayê eşkere bûn