Diyarname

39'emîn Festîvala Fîlman a Navneteweyî ya Stenbolê îsal dê di navbera 10-21'ê avrêlê de li dar biketa lê ji ber vîrusa koronayê hat bi paş ve xistin. Festîvalê ligel MUBÎ li hev kir û 12 fîlmên ku di 10 deh salên dawî de li festîvalê xelat girtine bi ser înternetê re nîşan dide. Yek ji wan jî fîlmê derhêner Pelîn Esmer ê bi navê "Îşe Yarar Bîr Şey" e.

"Îşe Yarar Bîr Şey" yekem car di 36'emîn Festîvala Fîlman a Stenbolê de hat nîşandayîn û di beşa Pêşbaziya Laleya Zêrîn de Xelata FIPRESCI girt. Her wiha di 50'emîn Xelatên Siyadê de jî xelata Senaryoya Herî Serketî, Lîstikvana Herî Serketî (Başak Koklukaya) û Lîstikvanê Duyemîn ê Herî Serketî (Yigit Ozşener) di 3 waran de xelat girt.

Fîlmê ku dema hat nîşadayîn gelek hat ecibandin di qada navneteweyî de jî li Festîvalên Gotebort, Seattle, Tallinn Black Night jî xelat girt.

Derhêner Pelin Esmer di fîlm de karakterên xwe yên ku tu têkiliya wan bi hev re tune ye dixe rêwîtiyeke helbestî.

Yên ku bixwazin heta 5 rojan dikarin ji ser MUBÎ re lê temaşe bikin lê ji bo vê yekê endamtiya MUBÎ divê. Ji bilî vê fîlmên din jî li ser MUBÎ ne.

Lînk ev e:

- MUBI-IŞE YARAR BİR ŞEY