Diyarname

Di 40'emîn salvegera mirina wî de derhênerê navdar Alfred Hitchcoock bi 15 fîlmên xwe dê li Stenbolê bê bibîranîn.

Festîvala Fîlman a Stenbolê îsal beşek taybet ji bo derhêner Hitchcoock vedike. Derhênerê navdar di sala 1899'an de li Leytonstone ya Londonê Îngilistanê hatiye dinê û di sala 1980'ê de li Bel Air a Los Angelesa Kalîforniyaya DYA'yê miriye. Îsal 40'emîn salvegera wefata wî ye. Ji bo vê yekê Festîvala Fîlman a Stenbolê beşek taybet ji bo wî vekir. Di vê beşa ku navê "Hitchcoock ê Rengîn" lê kirine de 15 fîlmê Hitchcoock ên metrajdirêj dê bêne nîşandayîn.

Hitchcoock ku yekem car di sala 1920'î de gav avêt nav sînemayê. Di navbera salên 1922-1939'an de gelek fîlmên bi deng û bêdeng kişandin. Di sala 1940'î de ket nava Hollywoodê û bi fîlmê yê yekem ku bi navê "Rebecca" li vir kişand Xelata Fîlmê Herî Serketî ya Oscarê girt. Di 60 salên xwe yên sînemayê de wî li dor 50 fîlmî kişandin.

Niha ji van fîlmên wî hin jê tên pêşberî sînemahezên li Stenbolê.

Di vê beşê de ev fîlmên wî dê bêne nîşandayîn:

- Rope (1948)

- Under Capricorn (1949)

- Dial M for Murder (3D) (1954)

- Rear Window (1954)

- To Catch A Thief (1955)

- The Trouble with Harry (1955)

- The Man Who Knew Too Much (1956)

- Vertigo (1958)

- North by Northwest (1959)

- The Birds (1963)

- Marnie (1964)

- Torn Curtain (1966)

- Topaz (1969)

- Frenzy (1972)

- Family Plot (1976)

***

Nûçeyên Eleqedar:

- Xelatên Rûmetê yên Sînemayê eşkere bûn