Diyarname
Parlamentera DEM Partî ya Sêrtê Sabahat Erdogan Saritaş, li ser 15'ê Gulanê Cejna Zimanê Kurdî, ji bo 5 wezaretên Tirkiyeyê pirsiyarname şand û pirsa kurdî kir. Saritaş pirsên derbarê astengiyên li pêşiya zimanê kurdî û mafê perwerdehiyê de pirs kirin û xwest wezaret bersivê bidin.
Parlamentera DEM Partî Saritaş ji Wezareta Perwerdehiyê, Wezareta Tenduristiyê, Wezareta Karên Hundir, Wezareta Malbat û Xizmetên Civakî, Wezareta Çand û Turîzmê ya Tirkiyeyê ev pirsiyarname şand û daxwaza bersiva pirsan xwest.
Saritaş li ser astengiyên li pêşiya zimanê kurdî, tiştên divê bêne kirin çi ne, li gor peymanên mafên mirovan ên navneteweyî Tirkiye çi dike û tiştên pêre eleqedar pirsî. Di pirsa dawî de jî Saritaş wisa pirsî, "Di çarçoveya 15'ê Gulanê Cejna Zimanê Kurdî de, ji bo mafê perwerdehiya zimanê zikmakî bê xurtkirin, materyalên perwerdehiya bi kurdî bêne zêde kirin û polîtîkayên pirzimanî bêne xurtkirin çi xebat û planên wezareta we hene?"
****
Di çarçoveya CEJNA ZIMANÊ KURDÎ de, hin nûçeyên eleqedar:
- Sempozyûma Zimanê Kurdî: Li ser 'Li Kurdistanê rewşa zimanê kurdî û perwerdehiya bi kurdî' li dar dikeve
- ‘Şeva Çîrok' û 'Şeva Helbestan’ li dar dikeve
- KURDÎGEH'ê ji bo Cejna Ziman kon danîn; 6 rojan dê kon vekirî bin
- MED-DER eyro şî dewanê Licey û Karazî
- Li Xaçortê ji bo 15'ê Gulanê şahî
- Li Amedê hefteyek çalakî ji bo Roja Ziman
- Ji Şaredariya Amedê çalakiyên ji bo Cejna Ziman
- Saziyan qeybî 15'ê Gulanî bi kirmanckî deklerasyon wend: Kurdî hebûney ma wa
- Sazî Ziwanî qeybî Roşanê Ziwanî deklerasyon eşkera kenê