Diyarname

Festîvala Fîlman a Navneteweyî ya Stenbolê îsal dê 39'emîn car li dar bikeve. Festîvalê niha Xelatên Rûmetê û Kedê diyar kirin.

Festîvala ku ji aliyê ÎKSV'ê ve tê birêvebirin îsal dê di navbera 10-21'ê avrêlê de li dar bikeve. Festîvalê niha navên ku dê xelatên rûmetê û kedê bide wan eşkere kir. Xelatê dide sê jinên ku di vî warî de ked û xebat kirine.

Xelata Rûmeta ya Sînemayê dê bidin lîstikvan Humeyra û derhêner Birsen Kaya û Xelata Kedê ya Sînemayê jî dê bidin sazkar û belavkara fîlman Seher Karabol.

Di mesarima destpêkirina festîvalê ku 9'ê avrêla 2020'an dê li dar bikeve xelat dê bêne dayîn.

Ji muzîkê heta sînemayê keda Humeyra

Lîstikvan Humeyra ligel lîstikvanî muzîkar, nivîskara gotinên stranan e. Humeyra di sala 1969'an de ketiye nava piyaseyê û heta niha di warê muzîkê de jî, sînemayê de jî gelek ked daye. Humeyra bi rola di fîlmên xwe de li Antalyayê Xelata Xelata Lîstikvana Duyemîn a Herî Serketî, her wiha bi rola di "Babam ve Oglum" de jî ji Komeleya Nivîskarên Sînemayê Xelata Lîstikvana Herî Serketî girtibû.

Bisen Kaya ligel Guney jî xebitiye

Derhêner Birsen Taya di sala 1943'yan de hatiye dinê. Piştî lîseyê di "Artist"ê de dest bi rojnamegerî kiriye, ligel kesên navdar Vedat Turkalî, Ulku Erakalin, Agah Ozguç xebitiye û paşê derhêner Halit Refig nas kiriye. Di sala 1964'an de di fîlmê Refig ê bi navê "Gurbet Kuşlari" de asîstaniya derhêner kiriye û bi vÎ awayî pêvajoya wê ya sînemayê dest pê kiriye. Li dor 200 fîlmî de asîstaniya rejî kiriye ku yek ji wan jî "Arkadaşlar" (1974) ê Yilmaz Guney e.

Bîrsen Kaya di jiyana xwe ya sînemayê de ji bilî asîstanî di 15 fîlman de wê bi xwe derhênerî kiriye.

Seher Karabol, 50 sal ji bo fîlman

Kedkara sînemayê Seher Karabol di sala 1939'an de hatiye dinê. Di sala 1970'yî de ligel mêrê xwe UStun Karabol dest bi karê îthalkirina fîlman kiriye. 

Hasan İzzettin Dinamo, Orhan Asena, Gungor Dilmen, Kemal Bilbaşar, Yilmaz Guney, Çetin Altan, Rifat Ilgaz, Nevzat Ustun, Sennur Sezer, Melisa Gurpınar, Kerim Korcan jî di nv de wekî nûnerên gelek nivîskarî kiriye ku berhemên wan bibin fîlm. Her wiha li hemberî hemû zehmetiyan jî wê kiriye ku fîlmên Yilmaz Guney derkevin derveyî Tirkiyeyê û li wir bên nîşandayîn.