Diyarname
Li Spanyayê pêvajoya hiqûqî ya li hemberî rêveberên Katalonyayê ku serxwebûn ragihandibûn didome. Li gor zagona Spanyayê ragihandina serxwebûnê sûc e û hikumeta Spanyayê bi vê zagonê berê xwe daye rêveberên katalon. Herî dawî Seroka Parlemena Katalonyayê Carme Forcadell û pênc mebûs îfade dan Dadgeha Bilind a Spanyayê. Dadgehê got ku Forcadell 150 hezar Euro kefaletê bide dê bê berdan, neha vê nede dê girtî bimîne. Her wiha dozgerî dijî bi serbestberdana kefaletê derketibû û raste rast xwestibû ew bên tewqîfkirin. Çar mebûsên din ku ligel Forcadell derketibûn pêşberî dadger ji bo wan her yekî 25 hezor Euro kefalet hatibû xwestin. Mebûsekî ku dijî serxwebûnê deng dabû hatibû berdan.
Forcadell û mebûsên katalan bi "serhildana li hemberî dewletê, teşwîqkirina serhildarê û bi awayekî xirab bikaranîna malê raya giştî" tênê sûcdarkirin. Ligel vê yekê Forcadell wekî yek ji rêveberên ku çalakiyên ji bo serxwebûnê lidar dixin hat nîşandayîn û sûcdarkirin.
Hefteya borî dadgehê ji bo îfadeyê bangî wan kiribû lê parêzeran ji bo amadehî hefteyeke dem xwestibû û ew niha derketin pêşdadgeh. Li gor ku rojnameya El Mundo ya Spanyayê nivîsî Forcadell di îfadeya xwe de gotiye ku ragihandina serxwebûnê tiştek "sembolîk" bûye, aliyê wê yê hiqûqî nînbûye.
8 wezîrên Katalanyayê hefteyên borî hatibûn tewqîfkirin û Serokê Herêma Xweser ê Katalonyayê Carloe Puigdemont ji bo neyê girtin çûye Belçîkayê. Li gor rêgezên Yekîtiya Ewropayê Belçîka divê der barê îadekirina Puigdemont û wezîrên çûne wir de di nav 60 rojan de biryarê bide; lê dikare vê demê 30 rojên din jî dirêj bike.
**
Nûçeyên Eleqedar:
- 8 wezîrên Katalon hatin tewqîfkirin
- Spanyayê bi kayyûmê dest danî ser Katalonyayê
- Serokwezîrê Spanyayê: Em hikumeta Katalonyayê betal dikin
- Katalonyayê serxwebûna xwe ragihand
- Li Katalonyayê perdeya duyem dest pê dike
- Spanyayê tehdîd kir, Katalonyayê bang YE'yê
.jpg)
.jpg)
