Diyarname

Nîqaşê li ser referandûma serxwebûnê ya Katalonyayê didomin. Piştî ku duh referandûm li Katalonyayê bi zehmetî be jî li dar ket, îro Wezîrê Edaletê yê Spanyayê Rafael Catala katalan tehdîd kirin û got: "Ger ew di serxwebûnê de bi israr bin emê xweseriya Katalonyayê jî bidin rawestandin.

Puigdemont bang li YE'yê kir

Serokê Herêma XWeser ê Katalonyayê Carles Puigdemont jî bang li Yekîtiya Ewropayê (YE) kir ku di bin çavdêriya YE'yê de ew amadene ligel Spanyayê dest bi hevdîtinan bikin.

Puigdemont li Barselonayê daxuyanî da çapemeniyê û got ku roja yekşemê gel mafê serxwebûnê daye wan. Puigdemont bang li YE'yê kir ku bikeve nav tevgerê.

Wezîrê spanyol tehdîd kir

Wezîrê Edaletê yê Spanyayê Rafael Catala katalan tehdîd kirin û got: "Ger ew di serxwebûnê de bi israr bin emê xweseriya Katalonyayê jî bidin rawestandin. Xala 155'an a Zagona Bingehîn diyar e. Emê hemû hêza zagonan bikar bînin. Peywira me ew e em pirsgirêkan çareser bikin ku hin mirovan aciz bikin jî. Ger yek serxwebûnê radigihîne em mecbûr in jêre bibêjin tu nikarî vê bikî."

NY şîdet meseleya tirsê ye

Komîserê Bilind ê Mafên Mirovan ê Neteweyên Yekbûyî (NY) Zeyd Raad el Huseyîn li ser şîdeta ku di dema referandûmê de li dar ket go ku ev yek cihê metirsiyê ye, li ser vê divê hikumeta Madrîdê lêpirsîneke serbixwe û bêalî bide dest pê kirin. Huseyîn got ku polîs divê her demê bi endaze tevbigere û hewce bike jî li gor rêgezan destwerdanê tevbigere.

Pique axivî

Lîstikvanê Barselona Gerard Pique piştî maçê li ser referandûmê axivî û got ku ger pirsgirêk ez bim, ez dikarim beşdarî tîma neteweyî ya Spanyayê bibim.

YE'yê bangê diyalogê kir

Li ser navê YE'yê Serokê Komîsyana YE'yê Jean-Claude Juncker got: "Em bang li aliyan bikin ji pevçûnê derbasî diyalogê bibin. Şîdet tu demê nikare bibe amûrê polîtîkayê. Baweriya me pê heye ku dê Serokwezîr Mariano Rajoy meseleyê bi Zagona Spanyayê û bi hurmeta ji bo ewlehiya mafên hemwelatiyan çareser bike."

**

Nivîs û nûçeyên eleqedar:

- Gava bi gav referandûma Katalonyayê 

- Hasta la vîctorîa sîmpre!