Diyarname
Stêrka popê Britney Spears 4'ê meha adarê bi awayekê sermest erebe ajotibû. Ji ber vê yekê hatibû desteserkirin. Niha wê biryar da ku bi daxwaza xwe here klînîka rehabîlîteyê û xwe derman bike.

Ew piştî hatibû desteserkirin, ew biribûn Girtîgeha Navendî ya Ventura County ya li Californiayê û piştî çend saetan hatibû berdan.

Roja 29'ê adarê wê ligel kurê xwe Jayden Federlin vîdeoyek belav kiribû. Di vîdeoyê de dans dikir û digot, "Ji bo piştgiriya we sipas... Nîmeteke mezin e mirov ligel malbat û hevalên xwe be."

Britney Spears ev 8 sal in qet turneya konseran li dar nexistiye; dîsa piştî albuma wê "Glory" ku di sala 2016'an de derxistibû qet albumeke nû dernexistiye.

Di sala 2023'yan de wê pirtûka xwe "The Woman in Me" derxistibû û qala jiyana xwe kiribû. Ev pirtûka wê di salek de bi ser 2 mîlyon hebî de firotibû û ketibû nava lîsteya pirtûkên pir têne firotin.

Spears di meha reşemiya îsal de mafê hemû kataloga xwe ya muzîkê firot Primary Wave. Bi firotina ji 150 mîlyon qeydî zêdetir, ew hê jî li dinyayê hunermenda jin e ku qeydên wê gelek têne firotin.

Stranbêja 44 salî meha bê roja 4'ê gulanê wê li Dadgeha Bilind a Ventura Country derkeve pêşberî dadger.