Diyarname
Li Fransayê nîşaneya herî bilind "Legion of Honour" (Nîşaneya Rûmetê) e. Fransa ji bo rûmetdarkirinê vê xelatê dide. Niha ew xelat dan keça kurd a êzîdî Nadiya Mûrad.

Ji bo dayîna nîaneyê li Qesra Êlysêe bi amadebûna Serokomarê Fransayê Emmanuel Macron merasimek li dar ket. Di merasimê de Macron nîşane pêşkêşî Mûrad kir.

Mûrad li ser vê wisa got, "Firanse herdem cîhekî taybet di dilê min de girtiye. Ew welateke ku ligel kesên li jiyanê mane disekine, dema pêdivî pê hebe guhdariya wan dike û dema hewce bike jî dikeve nava tevgerê."
Her wiha Nadya Mûrad got ku di dinyaya ku dengen însanan per dernakeve de Fransa rêberiya rast^ni dike, ne tenê hezê, guh dide êşê jî.

Mûrad ji dil sipasiya Serokomarê Fransayê Macron kir û got, "Ev teqdîrkirin ne tenê aîdê min e, aîdê her jinên ku bêdengiyê red dikin, li jiyanê dimînin û diaxivin."

Nadiya Mûrad kî ye?
Nadîya Mûrad kurdeke êzîdî ye. Di sala 1993'yan de li gundê Koço hatiye dinê. 
Di sala 2014'an de DAIŞ'ê êrîşê gundên kurdên êzîdî jî kir û di vê êrîşê de bi hezaran jinên kurd revandin. Yek ji wan jî Nadiya Mûrad bû. Mûrad piştî 3 mehan karî bireve. Di sala 2015'an de ew li Almanyayê bi cih bû û paşê dest pê kir qala wehşeta DAIŞ'ê kir.
Di sala 2016'an de Neteweyên Yekbûyî (NY) ew wekî Qasida Niyetbaş a NY'ê qebûl kir. Heman salên Xelata Mafên Mirovan a Vaclav Havel ku Konseya Ewropayê dide girt. Parlemena Ewropayê jî Xelata Azadiya Ramanê ya Saharov da wê.
Di sala 2018'an de jî Xelata Nobelê ya Aştiyê dan wê.
Mûrad wekî aktîvîsteke jin hê jî xebatên xwe didomîne.