Diyarname
Dadgeha Bilind a Spanyayê ji ber piştgirî dane referandûma serxwebûnê ya li Herêma Xweser a Katalonyayê der barê 8 wezîran de biryara tewqîfkirinê da. Wezîr bi îdîaya "Serhildan", "Teşwîqkirina Serhildanê", "Bi awayekî xirab bikaranîna çavkaniyên dewletê" hatin sûcdarkirin.
Di nav wezîrên hatin girtin de Cîgerê Serokê Katalonyayê yê berê Oriol Junqueras, Wezîrê Karên Hundir Joaquim Forn, Wezîrê Karên Derve Raul Romeva û Wezîrê Edaletê Carles Mundo da bulunuyor.
Wezîrê Ticaretê yê Katalonyayê ku berî dengdana serxwebûnê ya li parlemenê îstîfa kiribû; niha ew bêyî bê tewqîfkirin tê darizandin.
Dadgehê got ku zirarê wan ji bo Spanyayê 6.2 mîlyon Euro ye û xwest wezîr di nav 3 rojan de vî pereyî bidin.
Der barê Puigdemont de biryara tewqîfkirinê
Her wiha dadgehê der barê Serokê Katalonyayê Carles Puigdemont de biryar da ku ger venegere welat û îfadeyê nede biryara tewqîfkirinê bê derxistin. Dadgehê ligel Puigdemont der barê 4 wezîrên din de jî xwest biryara tewqîfkirinê bê derxistin. Biryar 28 welatên Ewropayê digire nava xwe.
Parêzerê Puigdemont ragihand ku niha ji bo hatina wî ya dadgehê rewş ne guncan e.
**
Nûçeyên Eleqedar:
- Spanyayê bi kayyûmê dest danî ser Katalonyayê
- Serokwezîrê Spanyayê: Em hikumeta Katalonyayê betal dikin
- Katalonyayê serxwebûna xwe ragihand
- Li Katalonyayê perdeya duyem dest pê dike
- Spanyayê tehdîd kir, Katalonyayê bang YE'yê
- Gava bi gav referandûma Katalonyayê