01.10.2017,
Gav bi gav agahiyên li ser referandûma Katalonyayê...

23.40
Serokê Rêveberiya Xweser a Katalonyayê Carles Puigdemont di weşana zindî de ragihand ku di encama referandûmê de wan mafê serxwebûnê bi dest xistiye.

23.30
Li Katalonyayê dengdayîn bi dawî bû. Berdevkê hikumeta Katalonyayê Jordi Turull ragihand ku sindoq hatin girtin.
Di encama êrîşa jendirme û polîsên Spanyayê de 844 kes birîndar bûne.
Li aliyê din li Katalonyayê komên alîgirên serxwebûnê û sendîka roja sêşemê dest bi grevê dikin.

22.00
Serokê partiya muxalefeta Spanyayê, rêberê çepgiran Pedro Sanchez li ser referandûmê axivî: "Hikumet divê ligel hikumeta Katalanyayê dest bi muzakereyan bike." 
Serokwezîrê Spanyayê Mariano Rajoy îdîa kir ku piraniya katalanan nexwest beşdarî referandûmê bibe.

22.30
Berdevkê Hikumeta Xweser a Katalonyayê Jordi Trull bi daxuyaniyeke çapemeniyê got ku ji ber şîdeta polîsên Spanyayê dê hikumeta Spanyayê di dadgehên qada navneteweyî de hesabê bide. Trull got ku baweriya wî ew e ku bi mîlyonan dengê hatine dayîn dê bêne jimartin. 

20.00
Barselona bi 3-0 bi ser ket
Barselona ku ji federasyonê xwestibû maç bê taloqkirin û federasyonê taloq nekiribû, Barselonayê jî biryar dabû ku maç bê temaşevan li dar bikeve. Barselonaya katalan û Las Palmas a alîgirê Spanyayê ku hinek nijadperest îro li dar ket. Di dawiyê de Barselona bi 3-0 bi ser ket. Golên Barselonayê Messi (dq 49 û 77) û Suarez (dq 70) avêt. Barselona di dawiya hefteya 7'an de bi 21 pûanan yekemîn e.

15.00
Spanya şandin Tirkiyeyê
Di qada tora civakî de jî mesele bi firehîh hat nîqaşkirin. Hinan twitta "Ev der ne Tirkiye ye, Spanya ye", hinan twitta "Em dixwazin wekî Skoçyayê deng bidin, lê Spanya wekî Tirkiyeyê tevdigere" avêtin. Kesek din twittek wisa weşand, "Wê kêliyê li Tirkiyeyê... Ha, bibore Spanyayê".

13.00
Barselonayê şermezar kir
Lîstikvanên Barselonayê yên berê û yên niha wekî Carlos Puyol, Gerard Pique, Xavî Hernandes jî çûn deng dan û xwedî referandûmê derketin. Klûba Barselonayê jî daxuyaniyeke fermî weşand û kirinên li hemberî yên deng didin şermezar kir. Her wihaBarselonayê xwest maça wan a îro bê taloqkirin lê federasyonê ev yek qebûl nekir, Barselonayê jî ji bo şermezarkirinê biryar da ku maç bê temaşevan bê lîstin.

11.00
Li 2 hezan û 315 cihan dengdan dê çêba lê hikumeta Spanyayê ragihand ku ji nîvî zêdetir deriyê wir hatine mohrkirin û polîs li cihên din jî vê destwerdana xwe didomînin.

10.30
Ji serê sibê de ji deh hezarî zêdetir polîsên spanyol ku hatibûn peywirdarkirin li herêman hatin belavkirin û destwerdana wan didime.
Li aliyê din gel jî çû cem sindoqan û dest bi dengdanê kir. Rayedarên Katalonyayê ragihand ku erê derkeve ewê di 48 saetan de serxwebûnê ragihînin.

10.10
Qala bi dehan birîndaran tê kirin... Rayedarên katalan qala dor 40 birîndaran kiribûn lê her ku çû hejmara wan zêdetir bû, niha qala bi sedan birîndaran tê kirin lê ne birîndariyên giran.

09.30
Ji meha borî ve Rêveberiya Katalonyayê biryara lidarxistina referandûma ji bo serxwebûnê dabû. Û ji wê rojê de xirecir di navbera Rêveberiya Katalonyaya Xweser û Rêveberiya Navendî ya Spanyayê de hebû. Roja referandûmê hat. Vê sibê Rêveberiya Katalonyayê ji bo serxwebûnê referandûm li dar dixist lê ji serê sibê de polîsên Spanyayê êrîş dikin û destûr nadin. Li hin deran polîs bi zorê mirovan digirin bin çavan li hin deran jî dest datînin ser sindoqan...

**

Nivîsek li ser Katalonyayê:
- Hasta la vîctorîa sîmpre!