Diyarname
Belgefîlmê David Borenstein û Pavel Talankîn ê bi navê ‘Mr. Nobody Against Putin’ (Kesek Birêz Dijî Pûtîn Nîn e) îsal xelata Oscarê û xelata BAFTA'yê girtibû; niha ev belgefîlm li Rusyayê hat qedexekirin.

Li gorî nûçeya ku Euronewsê Dadgeha Çelyabînskê biryara qedexekirina belgefîlmî girtiye. Dadgehê îdîa kir ku fîlm Rusyayê bi awayekî neyînî nîşan dide, "tundrawî û terorîzmê" teşwîq dike; her wiha dîmenên zarokan ên di dibistanê de bêyî destûra malbatan hatine girtin.
 
Bi vê biryarê re nîşandayîna belgefîlm li hemû welat û li qadên dîjîtal hat qedexekirin.

Belgefîlm dikeve dû çîroka Talankîn ku li dibistana li gundê Karavaşê ya li herêma Çelyabînskê mamostetiyê dike. Dîmenên ku du salan bi dizî hatine kişandin, nîşan didin ka rêveberiya Putin ji bo şerê li Ûkraynayê çawa hewl dide raya giştî kontrol bike.

Belgefîlm nîşan dide ku ka piştî dagirkirina Ûkraynayê ya di sala 2022’yan de, dersên propagandaya alîgirê şer û ‘xwepêşandanên welatparêziyê’ çawa ketine nav polên dibistanê.

Belgefîlm par di rêbendana 2025’an de cara pêşî li Festivala Sundanceyê hat nîşandayîn û Xelata Taybet a Juriyê girt. Dûre li BAFTA’yê û paşê di Oscar’ê de wekî Xelata Belgefîlmê Herî Sertî girt.