Diyarname

Hevserokê HDP'ê Selahattin Demîrtaş îro di Civîna Koma HDP'ê ya li Meclisê de axivî û hem mîtînga Yenîkapî, hem partiyên beşdar bûn rexne kir.

Vane hin gotinên Demîrtaş ên ji civînê:

- Rêveberên AKP, CHP û MHP'ê yên di asta bilind de ligel Fethullan di diyalogê de ne û haya wan ji derbeyê hebû. Helbet HDP dê ne di nav wan de be.

- AKP û Cemaeta Gulen şirîkên hev in. Çawa hûn xapandine? We jî, wan jî ji bo hûn dewletê bixin destê xwe we şirîkatî kir. HDP tekane partiye ku têkiliya wê ligel Gulen nîn e.

'Kî berendamê serokomarî diyar kir?'

- Her sê beşdarî mîtîngê bûne. MHP û CHP li dijî Gulen diaxivin lê bila bibêjin di hilbijartina Serokomarî ya di sala 2014'an de kî berendamê we diyar kir? Derkevin eşkere bikin!

- Gulenî îadeyê Tirkiyeyê bikin dê dewlet ji binî ve ji holê rabe. Ger Gulenî îade bikin û ew biaxive hûnê binêrin tiştek bi navê dewletê li holê namîne. Dewlet Gulen bi xwe bûye, ev paralel bûne.

- Em biçûna Yenikapî me nedikarî hesabê bidin

Erdogan dibêje "HDP li wir ba min nedikarî hesabê bida şehîdan". HDP biçûya dê nikariba hesabê van bida, wekî ku tiştek nebûbe dê nikariba li çavên Ceylanê binêriya, dê çawa bersiva Hurşît Kulter bida. HDP biçûya dê bipirsana ev dê çawa bin (Not: Demîrtaş li vir fotoyên kesên hatine kuştin nîşan dide). HDP nikare Şirnexê, Culemêrgê, Sûrê ji bîr bike û here Yenîkapiyê. HDP nikare tiştên we ligel Gulen kirine ji bîr bike û here Yenîkapiyê. Helbet HDP'ê nedixwest li nav wêneyek wisa be. (Wêneyê Yenîkapiyê yê têde "Cubbelî" û leşker hene nîşan dide) Ger îtîfaqa te ev be em di nav vê îtîfaqê de nîn in. Em ji bo îtîfaqek demokratîk amade ne, lê em nikarin van tune bihesibînin û rêya xwe bidomînin. Bi rastî ger hûn li welat aştî, edalet û azadiyê dixwazin, hemû partiyên siyasî divê bikevin testê. Me ev soz dane gel. Ev di qeydan de hene. Me ji bo gel çi got, me çi kir. Em ji xwe dest pê bikin. Em ne neyarê vî welatî ne, em parçeya çalak a vî welatî ne. Hûn hatin cem hev û hûn HDP'ê neyar îlan bikin jî hûn paqij nabin. Ev têkoşînek e û ji bo têkoşînê me her tişt daye ber çavên xwe û emê wisa bidomînin.

'Ji zagona poşmaniyê fêde bigire'

- Erdogan dibêje 'Berê Ozal û Ececît, her wiha me jî piştgirî da vê Cemaetê. Me demek dirêj nedît ku çi siyasetek kone ya vê cemaetê heye. Ji ber vê yekê hesabê ku em bidin Rebê xwe û gelê xwe heye. Bila Rebê min me efû bike.' Em ne bawerim ev têkiliyek xapandin û xapînê ye. AKP dema hat ser kar ji bo pêdiviya kadroyan bi taybetî rê li ber Cemaetê vekir. Bi kesên li ser ol, bi mihafezekarî gihîştine xwest dewletê bigire bin destê xwe. Erdogan û Cemaet nava hev xebitîne. Ger hûn dibêjin me xapandin û em poşman in herî zêde hûn dikarin ji zagona poşmaniyê fêde bigirin.

'Ez nabêjim Kurtuluş dibêje

- Di demek wisa de çawa li Îmraliyê dikare tecrîd hebe. Ez nabêjim Numan Kurtuluş (Berdevkê Hikumeta AKP'ê) dibêje 'Derbekaran li Îmralî oparesyon dê bikira û şerê navxweyî dê derxista'. Ger wisa ye, hûn xesasiyetê dizanin hûn çima nahêlin parêzir herin hevdîtinê? Ger derbekaran xwestiye xirecirê derxin hûn çima gavan navêjin? Derbekar ji bo kîjan armancê kar dikin hûn jî heman tiştî dikin. Nêzîktêdayîna we û derbekara a li hemberî Îmralî heman tişt e. Du sal û nîv derbekaran heyet bir wir? 

'Qet nebe we qala Şirnexê nekira'

- Numan Kurtulmuş duh dibêje 'li 81 bajaran şahiya demokrasiyê heye'. Qet nebe we qala Şirnexê nekira. Li wir mirov tune ne, qedexe didome. Şirnex tê xirakirin ew der pêşkêşî mitehîtên sercerdevanan hatiye kirin, bi trîlyonan pere didin wan. Naxwazin qedexe rabe. Lê bi biryar in ku Şirnexê xira bikin. Li Cizîr, Sûrê heman tişt kirin. Bajarîkirina Cizîr û Geverê encama heman tiştî ye.