Diyarname

Li Stenbolê paneleke bi sernavê "Romana kurdî li dar ket". Di panelê de Cîhan Roj qala "tarîxek, welatek, edebiyatek bêhizûr" kir û diyar kir ku ka em dikarin çawa edebiyateke mezinj i vê bêhizûriyê derxin.

Di çarçoveya Fûara Pirtûkan a Stenbolê de bi amadekariya Weşanên J&J li dar ket. Panela ku Azad Zal bi rê ve dibir de ji Zaxoyê Kovan Sindî, ji Amedê Omer Dilsoz û ji Îzmîrê Cîhan Roj ku her sê jî nivîskarên Weşanên J&J'yê ne beşdar bûn.

Pêş di nivîskar Kovan Sindî axivî qala rewşa romanê li herêma Behdînan kir. Sindî got ku zimanê romanên wan lokal e. Sindî li ser nîqaşeke li Îngilistanê hatibû kirin got ku îngilîzek gotiye "Tolstoyekî me tune ye", bi vê yekê bêbaweriya xwe ya bi edebiyaka xwe anîye, yê me kurdan jî wisa ye lê ez dibêjim ku baş xebat bê kirin dê Tolstoyên me çêbin.

Dûre nivîskar Cîhan Roj dest bi axaftinê kir. Roj wisa dest bi axaftina xwe kir: "Tarîxek bêhizûr, cografyayek bêhizûr, welatekî bêhizûr. Diya Gilgamêş ji xwedê re got te çima zarokek bêhizûr da min. Kafka mirovek bêhizûr bû, lê edebiyatek gelek muhteşem ji vê bêhizûriyê derxist. Em jî bêhizûr in. Gelo me çima ji vê bêhizûriyê edebiyateke mezin dernexist? Ev pirsek li hlê ye."

Roj got mirov qala rewşa ziman neke mirov nikare li ser romanê jî bisekine û got ku kurdî bêstatu ye, bêdibistan e, lê dîsa jî kurd di rewşeke wisa de dinivîsin û romanan derdixin, ev yek xweşikiyek e.

Nivîskar Roj got ku dinya meraq dike kurd çawa dijîn, çawa difikirin vê meraq dike. Roj rexne li hinên di qada tora civakî de pesnê hin romanan, pirtûkan didin jî kir. 

Nivîskar Omer Dilsoz di axaftina xwe de xwest ne ew biaxivin, temaşevan tiştên ku dixwazin hîn bibin, bipirsin û ew jî bikaribin bersivê bidin. Dilsoz got ku ew tenê dinivîse, dike ku binivîse û wisa got: "Di dema ku teknolojî her tiştî dide ber xwe têk dibe de ew hê dikin ku binivîsin". Dilsoz got ku nivîskarên kurd "Karkerên dil in" û got ku ew bi zimanê ku statuya wê nediyar e dinivîsin.

Nûçeyên eleqedar:

- Li Fûara Pirtûkan 2 panelên bi kurdî hene 

- Li cem weşanxaneyên kurd rojên îmzeyan 

- Enstîtuya Kurdî ya Stenbolê li Fûara Stenbolê ye 

- TUYAP'ê bi çalakiya protestoyê ya karkerên Ulkerê dest pê kir 

- Di Fûara Pirtûkan a Stenbolê de çalakiyên kurdî û weşanxaneyên kurd

- Mêvanê rûmetê û welatê mêvan ê Fûara Stenbolê