Diyarname

33'yemîn Fûara Pirtûkan a Stenbolê bi hemû leza xwe dest bi amadehiyan kir. Îsal welatê mêvan ê fûarê Macaristan û Mêvarê Rûmetê jî rexnegirê sînemayê Atilla Dorsay e. Wekî mijara bingehîn a fûarê jî îsal "100 Saliya Sînemaya Me" hatiye diyarkirin.

33'yemîn Fûara Pirtûkan a Stenbolê îsal dê di navbera 8-16'ê meha sermawezê de li dar bikeve. Di fûara ku ji aliyê TUYAP û Yekîtiya Weşangerên Tirkiyeyê ve tê organîzekirin weşanên kurd jî têde bi sedan weşanxane û saziyên sivîl standan vedikin.

Welatê mêvan: Macaristan

Fûar her sal welatekî dike mêvan û li ser wêjeya wî welatî çalakiyan li dar dixe. Welatê mêvan ê Îsalê Macaristan e. Di vê çarçoveyê de fûar dê wêjeya û zimanê macar bike mêvanê xwe. Her wiha çalakiyên li ser wêjeya klasîk û ya rojevî ya macar dê gotûbêj li dar bikevin, pêşangeh, guhdariya muzîkê û ji kîlera macar cureyên xwerinê dê bibin mêvanên fûarê.

Mêvanê Rûmetê: Atilla Dorsay

Nivîskar û rexnegirê sînemayê Atilla Dorsay ku demekê serokatiya SİYAD'ê jî kiriye yek ji rexnegirên xwedî cih û gotin e. Dorsay heta niha li ser sînemayê gelek pirtûk nivîsîne. Her wiha îsal 100'emîn salvegera sînemaya Tirkiyeyê ye. Ji ber vê jî fûarê îsa Mêvanê Rûmetê rexnegirê sînemayê Atîlla Dorsay û wekî mijara bingehîn a fûarê jî "100 Saliya Sînemaya Me" hilbijartiye. Di vê çarçoveyê de li ser jiyan, xebat û berhemên Dorsay dê pirtûkek bê amadekirin û pêşangeheke bê vekirin. Her wiha dê gelek gotûbêjên li ser Dorsay û sînemaya Tirkiyeyê li dar bikevin.

Fûarê ji niha de dest bi amadekariyan kiriye. Dîsa ji bo vekirina cih, lidarxistina çalakiyan jî amadehî û serîlêdan dest pê kirine.

Wekî nota dawî; Wekî her sal îsal jî Fûara Hunerê ya Stenbolê ARTÎST ligel fûara pirtûkan li heman salonê li dar dikeve. ARTÎST îsal 24'emîn car dê li dar bikeve.

 ***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye. 

*****************

"Misûl û Kerkûk warên kî ne?"

http://diyarname.com/news.php?Idx=9728