Diyarname

Nûçegîhanê li ser Rojhilata Navîn şareza Patrick Cockburn piştî serdana Şamê di rojnameya Independent de nivîsek nivîsî û got: "DAIŞ'ê Cerablus terk nekir, tenê rûyê xwe kur kir."

Cockburn cih da gotinên çeteyên DAIŞ'ê Faraj û bi vî awayî gotinên wî neqil kir: "Dema Artêşa Tirk kete Cerablûsê min bi hevalên xwe yên li wir re xeber da. Mîlîtanên DAIŞ'ê Cerablûs terk nekir, tenê rûyê xwe kur kirin."

Dema di sala 2015'an de YPG'ê Girê Sor dorpêç kir û ew der azad kir, Faraj (30 salî) jî di nav 150 çeteyên DAIŞ'ê debû. Ew wisa dibêje, "Tirkiyeyê gelek piştgirî da DAIŞ'ê. Dema ez li Tel Ebyadê bûm bêyî hêzên li ser Sînor astengî derxin me gelek çek û muhîmmat ji wir dibir."

Çeteyê DAIŞ'ê ji bo nûçegîhan Cockburn gotiye ew ji Serokomarê Tirkiyeyê Erdogan hez nakin lê "ji dîktarorên welatên ereb ên din baştir e".

Wî gotiye ew ligel DAIŞ'ê dijî, lê ji ber tiştên ew li hev nakin êdî şer nake. Ew dibêje li gelek welatên dinyayê DAIŞ'î hene, ew niha dikin li Erebistana Siûdî, Misir, Lîbya û Tûnûsê careke din hêza xwe kom bikin.