DiyarName.Com

Dans, muzîk û remayiş: 'Carmen'

Diyarname

Dimay zehf hewteyan ra rey yewîn a ke hewteyke de endêke fîlmî kuno vîzyon: Tam bi temamî eno hewte 12 fîlmî estê. Înan da 4 fîlmî fîlmê tirkan ê, ê bînî teberê Tirkiya ra hameyê. Di hebî zî anîmasyonî estê. Ma miyanê înan fîlmê "Carmen" pêşniyar kenê.

"CARMEN"

Carmen pîrekêke weşik e. A qeybî kartelanê Meksîka ra biremo, malbatey xwu ewca verdena û remena DYA (Dewletê Yewbiyîn ê Amerîka). La polîsê serê sînorî ay qefelnenê. Ewca Aiden hetê ay keno ke biremo. Aiden heyranê rihê ay o azad, heyranê têkoşîney ay o ke a qeybî azadiyê têkoşîne dana. Ew wazeno heta Los Angelesê alîkarî ay bikero û bi eno awa kunê rey. Û helbet Aiden benê aşiqê ay zî.

Fîlmo bi heyecan, dîmenanê weşikan ê fotografî zî pêşkêşî temaşekerdoxan keno. Di fîlm de merdim eşkero hîkayey koçberan, muzîk, dansî bivîno. La muzîk zehf raver o û eno kêf zî dano temaşekerdoxan. Fîlm verî enkay festîvalanê zey Toronto, Miamî de zî hamew motranayişî.

Derhênerî fîlmî Benjamin Millepied kerdo û Paul Mescal, Melissa Barrera, Rossy de Palma û Tracy Curry fîlm de kay kenê.

Heme fîlmê enî hewteyî eniyê:

- Blue Beetle / Derhêner Angel Manuel Soto

- Carmen / Derhêner Benjamin Millepied

- Quicksand / Derhêner Andres Beltran

- The Collective / Derhêner Tom DeNucci

- In Isolation / Derhêner Alexey Meets

- Arrete Avec tes Mensonges / Derhêner Olivier Peyon

- Rally Road Racers / Derhêner Ross Venokur / Anîmasyon

- The Everlasting Story / Derhêner Andrey Kolpin / Anîmasyon

- Kaçak Avcilar / Derhêner Fatih Yildirim

- Suna / Derhêner Çigdem Sezgin