Amed
Konservatuvara Bajêr a Aram Tîgran binê banê Serokatiya Daîreya Çand û Huner û Karanê Civakî ay Şaredariya Pîle ay Amedî de kar kena. Konservatuare enka qeybî tûtan xebatêke newî da dest pa kerdişî.

Xebata bi namey "Atolyeya Muzîkî a Geyrayoxe" go şoro qezayanê Amedî û tûtan de xebatanê muzîkî saz bikero. Armanc ew o ke falîyetê kultur û hunerî biresnê mehla û dewan û eleqey tûtan ê hunerî xurt bikerê.

Zey linga verîne çalakî 7'ê aşme de, Taxa Reşkan ay Farqînî de hamî viraştişî. Çalakîye de tûtî bi xebatey rîtm, muzîk û resimî beşdarî xebate bî û wext derbas kerdî.

Atolyeya Muzîkî ya Geyrayoxe, go 8'ê aşme qezaya Sûrî Taxa Kervanpinarî de bêre viraştişî. 
Atolye heta 5'ê tebaxî go dewam bikero û gorey bernamî ra ê go şorê qezayanê Baglar, Hêne û Licey.