Diyarname

Mîlyarderê rus, wayîrê kulûbey îngilîze Chelsea Roman Abramovich eyro eşkera kerd ke ew kulûbe roşeno.

Karsazê rus Roman Abramovichî di serey 2003 de kulûbey Chelsea girotebî û a çaxî ra nat destê ê de wa. Ê enka eşkera kerd ke qeybî kulûbe, temaşevanan, xebatkaranê kulûbe, sponsor û paştîgirotanê înan go baş bo ke kulûbe bêro rotişî.

Abramovich merdimêke nizdê Serokê Rusya Putînî yo, loma zî dimay ke Rusya êrîşê Ûkrayna kerd, verê tîran hetê Abramovichî ra zî şî.

Abramovichî vato ke eyro go şoro Stamford Bridge (Stadê Chelsea) û rey peyîne silamî bido û xatir biwazo.

CHELSEA
Kulûbey Chelsea di serey 1905’inan de hamiya viratişî. Lîga pîle ay Îngilistanî Premier Lîg de kay kena. Heta enka 6 rey Îngilistan de biya şampiyone, 6 rey zî Ewropa de kûpa girota. Chelsea par kûpaya Lîga Şampiyonan girote bî. Enka di Premier Lîge de dimal Manchester City û Liverpoolî di rêzey hîriyinan de wa.

ABRAMOVICH

Roman Abramovich di serey 1966’inan de Saratov a Sovyeta Yewbiyîn de hamew dinya. Bi eslê xwu cihû wo. Di miyanê seranê 2000 - 2008’inan de waliyê Herêma Xwuser Çukotka bî. 2003’nan ra nat Chelsea di destê ê de wa. Ew hemwelatî Rusya, Îsraîl û Portekîzî yo. Di miyanê dewlemendanê Îngilistanî de mîlyarderê rus Abramovich bi 9,3 mîlyar sterlîn hebûney xwu di rêzey 13”inan de wo. 

**

Nûçeyên Eleqedar:

- Cîhana sînemayê Disney, Warner Bros û Sony jî ketin nav tevgerê 

- 64 kîlometre konvoya leşkerî 

- Muskî wisa tiştek kir dê rê li serdemeke nû veke 

- Serokatiya Rûmetê ya Pûtînî betal kirin 

- Ji Eurovisionê hat avêtin 

- Akademîsyen û rojnamegerên rus dijî şer derketin 

- Ji aliyê sporê ve rojeva şer 

- UEFA maça şampiyonî Rusya ra girote 

- Şerê Rusya-Ûkrayna: Çernobîl ket destê Rusan 

- NATO: Leşkerên xwe bi paş ve vekişîne 

- Li Ûkraynayê şer dest pê kir 

- Putînî serxwebûna Donetsk û Luhanks bi awayekî fermî nas kir