Diyarname

Lijneya Îcrayê ay UEFA serê şerê Rusya û Ûkraynayê kom bî. Kombiyayişê UEFA rocê 25’ê aşme saete 12.00 de viraziya û lijnî biryar girot ke maçey fînalî St Petersburgê nêro kaykerdişî. Maçe go Fransa de bêro kaykerdişî.

UEFA organîzasyonê sporî ya. Çi eleqey ay bi şer ra est a? Mesele ene wa: Gorey bernamî ra 28’ê gulanê emsarî de maçey fînalî ay Lîgê Şampiyonan ay UEFA gere bajarê St. Petersburgê Rusya de bihameyne kaykerdişî. Semedo virêzî şerî dest pa kerd û Ewropa de veng veciya, UEFA zî hetê xwu ro biryarî day.

Vizêrî Serokwezîrê Îngilistanî Boris Johnsonî parlemene de xeberî dabî û vatibî, “Rusyaya ke welatan dagir kena, gere ewca organîzasyonên fûtbolî nêro viraştişî.” 

Şaredarê Londono Îngilistanî Sadiq Khan zî veynda UEFA ke kaykerdişê ewcay betal bikero û vat ke ê biwazê London amadewo mazûvanî bikero.

Eney ser UEFA biryar da ke kombiyayişî virazo. Lijney UEFA eyro kom bî û biryar girot. Gorey biryarî ra maça fînalî ay Lîga Şampiyonan go St Petersburg de kay nêkero. UEFA biryar serê twittirê xwu ra eşkera kerd û vat ke go maçe Stade de France ay bajarê Saint-Denisê Fransa de bêro keykerdişî.

**

Nûçeyên Eleqedar:

- Şerê Rusya-Ûkrayna: Çernobîl ket destê Rusan 

- NATO: Leşkerên xwe bi paş ve vekişîne 

- Li Ûkraynayê şer dest pê kir 

- Putînî serxwebûna Donetsk û Luhanks bi awayekî fermî nas kir