Diyarname
Êvara 5'ê mehê maça duyem a nîv fînalê ya Lîga Şampiyonan hebû. Arsenalê li mala xwe Atletico Madrid kir mêvan û bi 1-0 bi ser ket. Bi vê yekê piştî 20 salan cara yekê Arsenal di Lîga Şampiyonan de derket fînalê.

Maç li Stada Emitares hat lîstin. Maça yekem a di navbera her du tîman de li Spanyayê bi 1-1'ê bi dawî bûbû. Maça li Îngilistanê bi heyecaneke mezin hat lîstin. Her du aliyan zor li hev dikirin, pozîsyon hebûn lê temamê maçê de tenê golek hebû: Di deqîqeya 44'an de gola Arsenalê Bukayo Saka avêt û encam bû 1-0.
Heta dawî rewş neguherî û Arsenal derket vînalê.

Herî dawî di sala 2006'an de Arsenal derketibû fînalê. Maça fînalê li Parîsa Fransayê hatibû lîstin û Arsenal li hemberî Barseloyê bi 2-1 têk çû. Arsenala ku piştî 20 salan derketiye fînalê wê kûpayê bigire yan na, meraq ew e.

ÎRO
Maça din a nîv fînalê îro li Almanyayê di navbera Bayer Munih û PSG'ê de ye. Maça li Fransayê bi 5-4 bi serketina PSG'ê bi dawî bûbû. Tîma bi ser bikeve dê bibe reqîbê Arsenalê.

Maça fînalê ya Lîga Şampiyonan 30'yê vê mehê li Puskas Arena ya Budapeşteya Macaristanê tê lîstin.

DI LÎGA EWROPAYÊ DE NÎV FÎNALÊ
Di Lîga Ewropayê ya UEFA'yê de jî vê hefteyê maçên nîv fînalê hene. Maç êvara 7'ê mehê saet 22.00'an de têne lîstin.

Du tîmên îngilîz Aston Villa û Nottingham Forest tên hemberî hev. Maça yekem bi 1-0 serketina N. Forestê bi dawî bûbû.

Maça din di navbera Freibulg û Bragayê de ye. Di maça yekem de Braga li mala xwe bi 2-1 bi ser ketibû.

Her du tîmên bi ser bikevin wê herin fînalê. Maça fînalê roja 20'ê gulanê li stada Beşîktaşê ya Stenbola Tirkiyeyê tê lîstin.

LÎGA KONFERANSÊ
Di Lîga Konferansê ya UEFA'yê de jî maçên nîv fînalê hene. Maç 7'ê mehê saet 22.00'an de têne lîstin.
Tîma îngilîz Crystal Palaca tîma Ûkraynayê Şahtar Donetskê dike mêvan. Dimaça yekê de C. Palace bi 3-1 bi ser ketibû.
Maçan din di navbera RC Strasbourg û Rayo Vallecano de ye. Vallecano di maça yekê de bi 1-0 bi ser ketibû.
Du tîmên bi ser bikeve dê herin fînalê. Maça fînalê roja 27'ê mehê li Stada Red Bull Arena ya li Leipzinga Almanayê tê lîstin.