Diyarname

Serokdewletê Rusyayê Vladimir Putin piştî civîna Konseya Ewlehiyhe li ser Ûkraynayê di televîzyonê de axavî. Putin her du cih wekî fermî qebûl kir.

Putinî herêma Luhansk wekî “parçeyeke” Rusyayê bi nav kir û ji bo Ûkraynayê jî got ku NATO Ûkraynayê bigire nava xwe ev yek ji bo ewlehiya Rusyayê tehdîd e. Putînî hem Komara Donetsk hem Komara Luhanks wekî herêmên serbixwe qebûl kir. Li Donetskê komek gel derketin kolanê û azadiya Donetskê pîroz kirin.

YE û Îngilistanê reaksiyon nîşan da

Piştî biryarê Nûnerê Bilind ê Polîtîkaya Derve ya Yekîtiya Ewropayê (YE) Joseph Borrell ev nasîna Rusyayê wekî “Bi awayekî xirab binpêkirina hiqûqa navneteweyî ye” bi nav kir. Borrellî wisa got, “YE û şirîkên wê dê bi hev re tevbigerin û ligel Ûkraynayê dê di nav hevkariyê de bin.”

Serokwezîrê Îngilistanê Boris Johnson jî biryara Pûtînî wekî “Binpêkirina desthilatdariya Îkraynayê” bi nav kir û got, “Bi awayekî eşkere ev dijî hiqûqa navneteweyî ye. Ev binpêkirina yekîtiya Ûkraynayê û binpêkirina peymana Minskê ye.”

Ûkrayna bangî NY’yê kir

Li aliyê din piştî vê yekê Wezîrê Karên Derve yê Ûkraynayê Dmitro Kuleba di çarçoveya memoranduma Budapeşteyê de bi awayekî fermî bangî Konseya Ewlehiyê ya Neweteyên Yekbûyî kir ku meseleyê nîqaş bikin.
Li aliyê din welatên wekî Finlandiya, Gurcistan, Almanya dijî biryara Putin derketine, lê welatên wekî Venezuella, Kuba û Nîkaragua piştî dane Putîn.

WEZARETA TIRK BANGÎ TIRKAN KIR

Piştî biryara Putin ji Tirkiyeyê deng hat. Wezareta Karên Derve ya Tirkiyeyê bang li hemwelatiyên xwe kir ku ji herêmên rojhilat ên Ûkraynayê veqetin.

DONETSK

Donetsk bi navê xwe yê kevn Stalino li Ûkraynayhe herêmek e. Di sedsala 17'an de hatiye avakirin. Li herêmê madenên komirê pir in. Nifûsa wir mîlyonek û 131 hezar û 700 kes e. Tîma fûtbolê ya bajêr bi navê Shakhtar Donetsk li dinyayê navdar e. Herêm bi vê navdar bûye.

Ev der heta niha bi awayekî fermî herêmeke Ûkraynayê bû û dikeve aliyhe başûr ê welat. Bi vê biryara Putin re ew der êdî wekî Komara Gel a Donetskê dê bê nasîn.

LUHANKS

Luhanks bi awayekî fermî wekî bajarê Ûkraynayê bû Luhank paytexta Oblasta ye. Ev bajar li çeterêya çemên Luhanka û Vihova ye. Bajar di sala 1795’an de hatiye avakirin. Serjimariya wê (li gor sala 2013) 425 hezar û 848 kes e. Luhanks cîranê Donetsk e. Ew jî wekî Komara Gel a Luhanskê hat qebûlkirin.