Diyarname

Hunermend Rutkay Azîz ji 27'emîn Festîvala Gûzika Zêrîn a Edeneyê xelata "Serketina Di Hemû Jiyanê De" girt. Azîz ev xelata xwe diyarî TTB'ê (Turk Tabîbler Bîrlîgî - Yekîtiya Tabîbên Tirk) kir. TTB ji bo sipasiya Azîz bike merasimek li dar xist.

Roja 24'ê mehê merasim li Odeya Tabîban a Stenbolê li gor rewşa pandemiyê bi beşdariya beşek ji hekiman li dar ket. Hunermend Rutkay Aziz, Serokê TTB'ê Prof. Dr. Sinan Adiyaman, Serokê 2'yemîn ê TTB'ê Dr. Ali Çerkezoglu, Endamê Konseya Navendî ya TTB'ê Dr. Samet Menguç, Sekreterê Giştî yê ÎTO'yê Prof. Dr. Osman Kuçukosmanoglu, Endamên Lijneya Rêveberiya ÎTO'yê Prof. Dr. Rukiye Eker Omeroglu, Dr. Guray Kiliç, Dr. Osman Oztürk, Dr. Recep Koç, Dr. Murat Ekmez, Seroka DÎSK'ê Dr. Arzu Çerkezoglu beşdarî merasimê bûn.

Axaftina destpêkê ji aliyê Dr. Rûkiye Eker Omeroglu ve hat kirin. Omeroglu di şexsê Rutkay Azîz de sipasiya hunermendên pejinkar kir. Dûre Dr. Ayşegul Tozeren biyografiya Azîz pêşkêş kir.

Serokê TTB'ê Dr. Sinan Adiyaman jî got ku hekîm û xebazkarên tenduristiyê di vê têkoşînê de westiyabûn lê em pê hesiyan ku hunermendê me Rutkay Azîz xelata xwe diyarî me kiriye û wiha dom kir: "Ev diyarî li Tirkiyeyê bû sedema pêla rûmet û dilşadiyê. Pêdiviya me bi alîkariyeke wisa hebû. Em sipasiya wî dikin. Rûmet da me. Li ser navê hemû xebatkarên tenduristiyê ez bo we li çepikan didim."

Azîz jî di axaftina xwe de diyar kir ku ev hatina wan a cem hev ji bo wî bûye wekî xelata duyemîn, ez gelek sipasiya we dikim û wisa got: "Hin hene fêm nakin ku hûn vê rûmetê heq dikin. Dest ji wan berdin bila fêm nekin. Ew çawa hatin rojek wê wisa herin. Lê ez bawer dikim emê Tirkiyeyê ber bi rojên ronî ve bibin."

Piştî axaftina Azîz xelata ku ji festîvalê girtibû teslîmê Dr. Sinan Adiyaman.
TTB ku di vê serdema pandemiyê de gelek dixebite û gelek xebatên wan jî di vê xebatê de bi covid-19 kesin û mirin, dîsa jî rastî êrîşan hat. Ji ber TTB'ê li ser Covid-19 ji Wezareta Tenduristiyê ya Tirkiyeyê cudatir agahî belav kirin, agahiyên wê hê rastir bûn rastî êrîşan hat. Di serî de Serokê MHP'ê Devlet Bahçeli û hin rayedarên din berê tîran dan TTB'ê.