Diyarname

Li dinyayê li ser şerê Rusya û Ûkraynayê gelek tişt hatin gotin. Di qada sporê de jî ji duh de gelek reaksiyon hatin. 

Me ew dan hev:

Napolî-Barselona: Şerî bidin rawestandin

Di maça Play-offê ya Lîga Ewropayê de Napolî û Barselona hatin hemberî hev. Lîstikvanên her du tîman jî pankarta li ser "Şerî rawestinîn" nivîsandin vekirin.

Shalke 04'ê reklama Gazpromê rakir

Tîma alman Shalke 04 ku li ser formaya wê reklama Gazprom a rus heye, duh ji ber vî şerî reklama li ser formayê rakir. Tîmê ji ser twittera xwe re ev peyam rakir: "Ji ber bûyerên rojên dawî derketin em nivîsa GAZPROM a li ser formayên xwe r akirin."

Manilovsky: Şerî rawestînni

Di mehan lîgê de tîma îtalî Atalanta û tîma yewnan Olîmpîakos hatin hemberî hev. Lîstikvanê Atalantayê yê ji Ûkraynayê Ruslan Malinovsky piştî gol avêt tîşorta ku li ser "Li Ûkraynayê em şer naxwazin" nivîsandî û li xwe kiribû nîşanî kamerayan da.

Formula 1 a Rusyayê betal bû

Formula 1'ê bi daxuyaniyeke ragihand ku bernameya Formula 1 a Grand Priks a Rusyayê betal kirine. Bi vî awayî îsal li Rusyayê dê formula neyê sazkirin.

Slavia Pragê piştgirî da Ûkraynayê

Di maça Play-Offê ya Lîga Konfederasyonê ya Ewropayê de tîma Çekyayê Slavia Pragê tîma Fenerbahçeyê kir mêvan. Berî maçê dema lîstikvanên Slavia Prag derketin antremana xwegermkirinê tîşortên "Em li cem Ûkraynayê ne" li xwe kirin.

Lucescu: Ez naxwazim mirovan mesûm bimirin

Teknîk dîrektorê navdar  Mircea Lucescu ku niha Teknîk Dîrektorê Dinamo Kievê ye û hê li welat e peyam "Ez naxwazim mirovên masûm, sivîl û zarok bimirin. Bila gavek zûtir êrîş rawestin, şerawestin çêbe. Bila mirov vegerin ser karên xwe, zarok bila biçin dibistanên xwe."

Ji Basketbolê 4 tîm naçin Rusyayê

Ji qada basketbolê tîmên wekî Barcelona, Bayern Müuih, Zalgris, Zenit û CSKA Moskova'yê ragihand ku ji bo maçên EuroLeague dê nezin  St. Petersburgê.

Li aliyê din di lîga basketbolê EuroLeague de heta niha ev 3 maç ji ber şer hatine betalkirin:

Bayern Munih - CSKA Moskova

Baskonia Vitoria - UNICS Kazan

Zenit - Barcelona

Smolov ê rus bertek nîşan da

Lîstikvanê rus Fedor Smolov ku li Dînamo Moskovayê dilîze ji ser hesabê xwe yê tora civakî de peyama "Ji şer re na" belav kir.

Zinchenko: Em welatê xwe nadin kesî

Lîstikvanê Manchester City yê ji Ûkraynayê Oleksandr Zinchenko peyameke wisa belav kir: "Em welatê xwe nadin kesî, em bi paş ve gav navêjin. Welatên medenî ji ber rewşa welatê me xembar in."

Maça fînalê ji Rusyayê girtin

UEFA'yê maça fînalê ya Lîga Şampiyonan a UEFA'yê ji bajarê Rusya St Petersburgê girtin. Li gor bernameyê divê roja 28'ê gulana îsal maça fînalê li wir bihata lîstin lê ji ber şer ew  der betal kirin. Maç dê li Fransayê bê lîstin.

**

Nûçeyên Eleqedar:

- UEFA maça şampiyonî Rusya ra girote 

- Şerê Rusya-Ûkrayna: Çernobîl ket destê Rusan 

- NATO: Leşkerên xwe bi paş ve vekişîne 

- Li Ûkraynayê şer dest pê kir 

- Putînî serxwebûna Donetsk û Luhanks bi awayekî fermî nas kir