Diyarname
Îro li Amedê maçeke gelek girîng hebû ji bo Amed Sporê ku beramberî 6 pûanan bû. Amedsporê di deqeya dawî de bi golek 3 pûnanên xwe girtin.

Ankaragucuya ku salên barê li sehaya xwe êrîşê rêveberên Amedsporê kiribûn nehatibû ji bîr kirin. Li aliyê din Amedsporê ku ji roja Servet Çetin hatiye ser kar her ber bi pêş ve diçe hebû. Û ligel vê yekê 18 heçar û 694 temaşevanên bi bilet, alîgirên Amedsporê li stadê bûn. Ankaragucu bi 27 pûanan di rêza 5'an de, Amedspor bi 26 pûanan di rêza 10'an de bû.

Maç bi êrîşên Amedsporê dest pê kirin. Di 20 deqîqeyên pêşî de Amedspor gelek serdest bû, piştî vî deqîqeyî di maçê de hevkêşe çêbû; heta nîveka yekemin ji her du aliyan ve jî atak çêbûn. Lê nîveka yekemin bi 0-0'ê bi daqî bû.

Di nîveka duyemîn de zêdetir bar ket ser milên qeleparêzan. Peleparêzê Amedsporê Veysel û yê Ankaragucu Ertaç pêşî li gelek gogan girtin. Lê di deqîqeya 90+6 her tişt guherî, dinyaya Amedê jî guherî: Çekdar Orhan li pêş xeta ber kelehê gog teslîmê Traore kir, Traore gog hinek bi aliyê çepê de ajot û fuzeya xwe şand keleha Ankaragucu: 1-0.
Bi vê yekê di dawiya hefteya 19'an de Amedspo bi 29 pûanan derket rêza 5'an.
Li aliyê din li stadê nêzî 20 hezar kesî ji serî heta dawî coşa xwe domand; kêliyek banga "Kî ne em?" û wekî bersiv "Em kurd in" bilind kirin.