Diyarname
Amedsporê ji Hoffenheima Almanyayê golavêje Gift Orban transfer kir. Gelek ciwan e; zû bilind bû lê xwe îstatîstîkek balkêş e. Wisa dixuye li Amedsporê wê bi kêr bê lê dîsa jî her tişt di destê wî de ye.
Em li îstatîstêkên li ser wî binerin:

GIFT ORBAN Û ÎSTATÎSTÎK
- Gift Orban di sala 2002'yan de Benue ya Nîjeryayê hatiye dinê. Niha 24 salî ye, santrafor e.
- Di 20 saliya xwe de çûye Stabeaka Norwecê. Di lîga 2'yan de lîstiye, di 22 maçan de 16 gol avêtiye û bal kişandiye ser xwe.
- Gentê ew transfer kiriye. Sal 2023-2024. Li vir di hemû waran de, di 52 maçan de lîstiye û 32 gol avêjtiye. Di lîga xwe de wê salê 18 gol avêt.
Bi Gentê beşdarî Lîga Konferansê ya UEFA'yê bû. Gent li Stenbolê bû mêvanê Başakşehîrê û bi 4-1 bi ser ket. Ya balkêş, Orbanî di deqîqeyên 31, 32 û 34'an de 3 gol avêtin, di 4 deqeyan de hat-trick kir û bi vê yekê ket nava dîroka UEFA'yê. Loma gelek bal kişandiye; Bi 15 mîlyon Euroyî transferê Lyona Fransayê bûye.
- Li Lyonê (sala 2024) di 21 maçî de 5 gol avêt. Hinek îstatîstîk û pêre jî buhayê wî daket. Transferê Hoffenheima Almanyayê bû.
- Li Bundeslîgayê di 13 maçan de 4 gol avêt.
- Par (serdema 2025-26'an) bi kirêkirin transferê Hellas Verona ya Îtalyayê bû. Di 28 maçên Serîe A'yê lîst, 7 gol avêt, lê dîsa jî tîma wî Verona ji Serîe A ket, Serîe B28 gol avêt
- Di hin maçan de gelek golên avêtine: Di maça Gent-Başakşehîrê (Lîga Konferansê) de 3 gol, di maça Gent-Zulte Waregem de 4 gol, di maça Gent-Pogo Szczecin (Lîga Konferansê) de hat-trick, di maça Gent-Cercle Brugge de hat-trick kiriye.
- Bi kurtahî heta niha dor 130 maçên fermî de lîstiye û dor 70 gol avêtiye.
- Bi kurtî, di destpêka ciwaniy xwe de gelek biriqî, hinek ev biriqandin daketibe jî, di Lîga Super de dîsa dikare bi golan wê asta xwe ya bilind bi dest bixe.

TRANSFERÊN AMEDSPORÊ YÊN HETA NIHA
Bi vî re dibe 10 lîstikvan ku Amedspor îsal wan transfer dike. Ew jî ev in: Gift Orban, Lumbardh Dellova, Rayan Raveloson, David Bates, Burak Bozan, Furkan Soyalp, Umut Meraş, Berk Kızıldemir, Ermal Krasniqi, Amadou Cisse.