Diyarname
Di sala 2017'an de ji nav siyasetê heta ji qada nivîskarî, heta cîhana hunermendan gelek kesî xatir ji vê dinyayê xwest. Em wan carek din bibîr bînin. Vane kurdên ji nav van qadan ku di sala 2017'an de wefat kirin:
28.12.2017: Nivîskar Murat Saat
Nivîskar Murat Saat ku li girtîgehê qeyrana dil derbas kir, li nexweşxaneyê wefat kir. Saat di sala 1996'an de hatibû girtin û cezayê muebetê lê birîbûn.
09.12.2017: Nivîskar Nîzamettîn Akkurt
Nivîskarê kurd Nîzamettîn Akkurt ku li Swêdê bi cih bûbû îro wefat kir.
Nîzamettîn Akkurt vê havînê nexweş dikeve û diçe dixtor; diyar dibe ku timor pêre heye, lê malta xwe jî têde haya kesî pênaxe. Wî emeliyet dikin. Hêviya başî dikin lê diyar e ku qansêrê rê nedaye ku baş bibe. Sê roj berê carek din radikin nexweşxaneyê lê hemû hewldan jî bi avê de diçin û Akkurt roja 9'ê mehê wefat dike.
28.11.2017: Nivîskar Mistefa Gazî
Helbestvan û nivîskar Mustafa Gazî (Seyda) ku ji ber dil ev demek bû dihat dermankirin îro wefat kir.
Gazi li Amedê wekî Seyda dihat nasîn. Ev demek dirêj bû li Nexweşxaneya Dewletê ya Selahedîn Eyûbî dihat dermankirin. Gazî îro wefat kir û cenazeyê wî li Goristana Yenîkoy defin kirin.
26.10.2017: Nivîskar Elî Eşref Derwêşiyan
Nivîskarê kurd ê ji bajarê Kirmaşan ê rojhilatê Kurdistanê Elî Eşref Derwêşiyan li nexweşxaneya bajarê Kerec di temenê xwe yê 76 salî de koçî dawî kir.
Elî Eşref Derwêşiyan di 26’ê gelawêja 1941’ê de li bajarê Kirmaşan hat dinê. Zêdetirê 30 pirtûkên wî yên bi zimanê farisî li ser çand û hunera kurdî nivîsin hene. Her wiha pirtûkên wî ji bo zimanê kurdî û gelek zimanên din ên cîhanî hatine wergerandin.
03.10.2017: Rêberê kurd Mam Celal
Serokê Yekîtiya Niştimanî Kurdistanê Celal Talabanî ku li nav kurdan her kesî digot Mam Celal îro wefat kir.
Yek ji rêberên kurdan Celal Talabanî ku piştî hilweşîna Sedam Huseyîn di hilbijartinê de wekî Serokomarê Iraqê hat hilbijartin îro li Almanyayê wefat kir. Mam Celal ev demek bû li Almanyayê dihat dermankirin.
24.06.2017: Lêkolîner û nivîskar Emîr Hesenpûr
Lêkolîner, nivîskarê kurd Emîr Hesenpûr (Amir Hassanpour) ku di sala 1943'yan de li Mehabadê hatibû dinê îro wefat kir.
Li ser çapemenî, ziman, dîrok û çandê lêkolînên wî hene.
08.06.2017: Helbestvan Ferhadê Içmo
Helbestvanê kurd Ferhadê Içmo yê ji Qamişloyê ji ber nexweşiya penceşêrê jiyana xwe ji dest da.
Içmo ev demek bû bi nexweşiya penceşêrê ketibû û nekarî êdî ber xwe bide.
31.05.2017: Siyasetmedar Ezîzî Mihemed
Siyastevanê navdar yê kurd Ezîzî Mihemed koça dawî kir. Li bajarê Hewlêrê, siyasetvanê kurd û Serokê Partiya Komunîst a Iraqê mamoste Ezîzî Mihjemed koça dawî kir.
19.05.2017: Serokê Tevgera Goran Mistefa
Serokê Tevgera Goran Newşirvan Mistefa wefat kir. Mistefa 8 meh berê ji bo dermankirinê çûbû Îngilistanê û çend roj berê vegeriyabû herêma Kurdistanê. Mistefa vê sibê wefat kir.
12.03.2017: Hozan Dilgeş
Hunermendê kurd, dengê serdemek, awazek girîng Hozan Dilgeş ê ev demek bû dihat dermankirin wefat kir.
Demek berê ji ber qansêrê lingên wî jê kiribûn û bi vî awayî dermankirina wî dom dikirin lê dixtoran nekarîn wî baş bikin.
31.01.2017: Rojnameger Mehmud Onder
Kedkarê çapemeniya kurd rojnameger Mehmut Onder ku ev demek dirêj bû li Kopenhanga Danîmarkayê li nexweşxaneyê dihat dermankirin wefat kir.
Onder di sala 2015'an de bi neweşiya qansêrê ketibû û kemoterapî didît. Onder îro wefat kir.
**
Li ser salê nûçeyên bi vî rengî:
- 2017: Li cîhana Twitterê tiştên herî zêde derketine pêş
- 2017: Li Tirkiyeyê albumên herî zêde hatine firotin
- 2017: Hejmara pirtûkên ku li Tirkiyeyê hatine çapkirin diyar bû
- 2017: 11 fîlmên herî zêde hatine firotin
- 2017: Hindiktir pere ji bo pirtûk û rojnameyan hatin xerckirin
- 2017: Pirtûkên bi tirkî yên herî zêde hatine firotin
- 2017: Sersalê dê kîjan hunermend herî zêde pere kar bike
- 2017: Ronaldo di Goga Zêrîn de gihîşt Messi
- 2017: Time: 'Şexsiyetê/a Salê'
- 2017: Modela herî zêde pere kar kir diyar bû
- 2017: Li Tirkiyeyê azadiya fikir û ramanê
- 2017: Vaye lîsteya bajarên ku herî zêde/hindik pirtûkan dixwînin
.jpg)
.jpg)
