Kobanî
Bajaroka Çelebî girêdayî bajarê Kobanî ye. Hikumeta demkî ya Sûriyeyê kesek wekî şaredar tayînê Şaredariya Çelebî kir. Li hemberî vê yekê gel derket ber şaredarî û dest bi protestoyan kir.

Gelê li ber şaredariyê kom bûyî dibêje ku Hikumeta Demkî ya Sûriyeyê li gor peymana 29'ê Rêbandanê tevnagere, ev peywirdarkirin dijî li hevkirina Rêveberiya Xweser û Hikumeta Demkî ya Sûriyeyê ye. Gel dibêje li gor peymanê divê gelê wir rêveberî diyar bike.

Tê gotin ku hêzên girêdayî hikumeta demkî êrîşê protestoyê kirine.

MECLISA ÇELEBÎ DAXUYANÎ DA
Meclisa bajarokê Çelebiyê li ser vê li gundê Xanîk ê bajarê Kobanî daxuyanî da. Di daxuyaniyê de endamên meclisê, xelkê gund û nûnerên Rêveberiya Xweser a Kobanî amade bûn. Daxuyanî ji aliyê hevseroka meclisa bajarok Leyla Elî û hevşaredarê Kobanî Fewaz Ehmed ve hat xwendin. Wan got, "Em qebûl nakin ku şaredar ji aliyê hikumeta demkî ve were tayînkirin."