Diyarname
Îdefîks platformeke ku pirtûkan bi ser înternetê re difroşe. Wê di encama firotina 6 mehan de lîsteyek li ser bajarên ku herî zêde pirtûkan dixwînin û bajarên herî hindik dixwînin amade kir. Xwendevanan herî zêde roman û pirtûkên zarokan dercih kirine.
Îdefîksê 15'emîn Fûara Pirtûkan a Sanal li dar xistibû û dûre lêkolîna xwe "Tirkiye çi dixwîne?" amade kir. Di lêkolînê de hejmara pirtûkên li bajaran hatine firotin, bi temamî pirtûkên firotine, serjimariya bajar û serjimariya giştî dane ber xwe û li gor wê liste amade kirine.

Bajarên pir dixwînin
Li gor encamê bajarê ku herî zêde pirtûkan dixwîne Enqere ye, dûre Stenbolê, Eskîşehîr, Îzmîr,  Dêrsim û Mugla hene.

Bajarên hindik dixwînin
Di nav bajarên herî hindik pirtûkan dixwîne de rêza pêşî Rihayê girtiye, dûre Yozgat, Semsûr, Osmaniya û Meraş tê.

Nivîskarên pir difroşin
Di lîsteyê de nivîskarên herî zêde pirtûkên wan hatine firotin jî cih girtine: li gor vê di rêza pêşî de Stefan Zweig cih girtiye, dûer Zulfu Livaneli tê û Yuval Noah Harari di rêza sêyem de cih girtiye.
Her wiha nivîskarên wekî Yaşar Kemal, George Orwell, Jules Verne jî di rêzên pêşîn ên lîsteyê de cih girtine.

**

Li ser salê nûçeyên bi vî rengî:

- 2018: Salnameya Putin

- 2017: Jinên stranbêj ên herî zêde pere kar dikin